મુછાળા પણ ન કરી શકે તેવું મહિલાએ કર્યું ? શું થયું ? વાંચો

જો તમને પૂછવામાં આવે કે દુનિયાની સૌથી મોટી છેતરપિંડી કેટલી છે? તો તમે શું અનુમાન કરશો? તેને છોડો, કદાચ તમારા અંદાજો પણ છેતરપિંડી કરવામાં આવેલી રકમ સુધી પહોંચી શકતા નથી. ઈતિહાસમાં અત્યાર સુધીની સૌથી મોટી છેતરપિંડી 27 અબજ ડોલર (લગભગ 2.26 લાખ કરોડ રૂપિયા)ની સામે આવી છે. મોટી વાત એ છે કે આ છેતરપિંડી કોઈ પુરુષે નહીં પરંતુ મહિલા બિઝનેસમેને કરી હતી અને હવે કોર્ટે તેને ફાંસીની સજા સંભળાવી છે. જો મહિલા રૂપિયા 70 હજાર કરોડ ભરે તો તેની સજા ઘટી શકે છે તેવો કાયદો ત્યાં છે. આ ફોડ અત્યાર સુધીનું દુનિયાનું સૌથી મોટું માનવામાં આવે છે. આ પહેલા આટલી જંગી રકમનું ફ્રોડ બહાર આવ્યું નથી. આ કેસ ચાલી ગયો છે અને અત્યારે લેન જેલમાં છ

આ મામલો વિયેતનામનો છે, જ્યાં પ્રોપર્ટી બિઝનેસમેન ત્રાંગ મી લેન (68)એ સામાન્ય માણસ અને દેશની બેંકો સાથે છેતરપિંડી કરીને 27 અબજ ડોલર પચાવી લીધા હતા. મામલો સામે આવ્યા બાદ તેની સામે કેસ દાખલ કરવામાં આવ્યો હતો અને ગયા મંગળવારે વિયેતનામની કોર્ટે લેનને મોતની સજા સંભળાવી હતી. આ પછી, લેને છેતરપિંડીના પૈસા ચૂકવવા અને તેની સજા ઘટાડવાની અપીલ કરી છે. જો કે, સરકારી વકીલે કોર્ટને કોઈ દયા ન દાખવવા અને કડક સજા કરવા વિનંતી કરી છે.

આ છેતરપિંડી કેવી રીતે થઈ?
લેન વિયેતનામની મોટી પ્રોપર્ટી બિઝનેસવુમન છે અને તેણે સાગન કોમર્શિયલ બેંક નામની પોતાની નાણાકીય સંસ્થા પણ ખોલી છે. લેને આ બેંકમાં હજારો લોકોના પૈસા જમા કરાવ્યા હતા. આ સિવાય વિયેતનામની સરકારી બેંક સ્ટેટ બેંક ઓફ વિયેતનામએ પણ આ બેંકને સ્થિર કરવા માટે મૂડી દાખલ કરી હતી. બાદમાં જાણવા મળ્યું કે લેને આ તમામ ફંડનો દુરુપયોગ કર્યો હતો અને ત્યારબાદ તેની સામે કેસ દાખલ કરવામાં આવ્યો હતો.

કાયદો શું કહે છે
લેન દ્વારા કરાયેલા પ્રસ્તાવ અંગે વિયેતનામમાં યોગ્ય કાયદો છે. વિયેતનામના કાયદા અનુસાર, જો લેન છેતરપિંડીની કુલ રકમનો એક તૃતીયાંશ (લગભગ 33 ટકા રકમ) એટલે કે લગભગ 70 હજાર કરોડ રૂપિયા ચૂકવે છે, તો તેની સજા ઓછી થઈ શકે છે. જો કે, તેઓએ ઓથોરિટીને પણ સહકાર આપવો પડશે, તો જ કોર્ટ તેના પર વિચાર કરી શકે છે. બીજી તરફ, ફરિયાદ પક્ષ કોઈ છૂટ આપવાના મૂડમાં નથી.