દિલ્હીના મુખ્યમંત્રી અરવિંદ કેજરીવાલને થોડા દિવસો પહેલા જ વચગાળાના જામીન મળ્યા હતા ત્યારે કેજરીવાલને વધુ એક કેસમાં રાહત મળી છે. દિલ્હી હાઈકોર્ટ બાદ હવે સુપ્રીમ કોર્ટે પણ કેજરીવાલને મુખ્યમંત્રી પદેથી હટાવવાની માંગણી કરતી અરજીને ફગાવી દીધી છે. સુપ્રીમ કોર્ટનું કહેવું છે કે કેજરીવાલને સીએમ પદ છોડવા માટે કહેવાનો તેને કોઈ કાનૂની અધિકાર નથી.
ન્યાયાધીશ સંજીવ ખન્ના અને દીપાંકર દત્તાની બેન્ચે કહ્યું કે જો પરિસ્થિતિમાં હસ્તક્ષેપની જરૂર હોય તો દિલ્હીના લેફ્ટનન્ટ ગવર્નર વીકે સક્સેનાએ પગલાં લેવાનું છે અને દરમિયાનગીરી કરવાનો ઇનકાર કર્યો હતો. કોર્ટે કહ્યું કે અરજીમાં કોઈ કાનૂની યોગ્યતા નથી અને કહ્યું, “આખરે તે યોગ્યતાનો મામલો છે.”
દિલ્હી હાઈકોર્ટમાં અરજી ફગાવી દેવામાં આવી હતી
આ પહેલા દિલ્હી હાઈકોર્ટે અરજદાર, પૂર્વ AAP ધારાસભ્ય સંદીપ કુમારને ઠપકો આપતા આ અરજીને ફગાવી દીધી હતી. આ ઉપરાંત કોર્ટે અરજદાર પર 50 હજાર રૂપિયાનો દંડ પણ ફટકાર્યો હતો. અદાલતે કડક સૂરમાં ચેતવણી આપી હતી કે ન્યાયિક વ્યવસ્થાની મજાક ન ઉડાવો.
દિલ્હી હાઈકોર્ટે અરજદારને પૂછ્યું હતું કે શું એવો કોઈ આદેશ છે જેમાં હાઈકોર્ટ કે સુપ્રીમ કોર્ટે કોઈપણ મુખ્યમંત્રીને હટાવવાનો નિર્દેશ આપ્યો હોય. બેન્ચે કહ્યું હતું કે, ‘તમે અરજી દાખલ કરીને કોર્ટનો સમય બગાડો છો. અમે તમારા પર ભારે દંડ લાદી રહ્યા છીએ. કોર્ટની અંદર રાજકીય ભાષણ ન આપો, ભાષણ આપવા માટે ગલીના કોઈક ખૂણે જાઓ.
