ટ્રમ્પ પર ટેરિફનું ભૂત ફરી સવાર! રશિયા સાથે વેપાર કરનારા દેશોને સજા કરશે,હવે 500 ટકાની ધમકી
અમેરિકાના રાષ્ટ્રપતિ ટ્રમ્પે એક નવા બિલને સમર્થન આપ્યું છે જે રશિયા સાથે વેપાર કરતા દેશો, એટલે કે રશિયાના વેપાર ભાગીદારો પર કડક પ્રતિબંધો લાદશે. આ પગલાને યુક્રેન યુદ્ધને રોકવા માટે રશિયાની આર્થિક શક્તિને રોકવાના અમેરિકાના પ્રયાસોના ભાગ રૂપે જોવામાં આવી રહ્યું છે. ભારે ટેરિફ સાથે રશિયાના વેપાર ભાગીદાર દેશોને દબાવવા માટે 500 ટકા ટેરિફની ફરી ધમકી અપાઈ છે. જો આમ થાય તો ભારત પર તેની સૌથી વધુ અસર થઈ શકે છે.
ફ્લોરિડાથી વ્હાઇટ હાઉસ પાછા ફરતા પહેલા, ટ્રમ્પે નવા બિલ માટે પોતાનો ટેકો જાહેર કર્યો, જે રશિયા સાથે વેપાર કરતા કોઈપણ દેશ પર કડક પ્રતિબંધો લાદશે. “રિપબ્લિકન એક ખૂબ જ કડક કાયદો રજૂ કરી રહ્યા છે જે રશિયા સાથે વેપાર કરતા કોઈપણ દેશ પર ભારે પ્રતિબંધો લાદશે… મેં સૂચવ્યું કે ઈરાનને આ યાદીમાં ઉમેરી શકાય,” ટ્રમ્પે કહ્યું.
બ્લૂમબર્ગના મતે, આ બિલ હેઠળ, ટ્રમ્પ રશિયા સાથે વેપાર કરતા દેશોની આયાત પર 500% સુધીના ટેરિફ લાદી શકે છે. આની સૌથી મોટી અસર ભારત અને ચીન પર પડી શકે છે, કારણ કે બંને રશિયાના મુખ્ય વેપાર ભાગીદારો છે. ભારતને દબાવવા આ વળી નવી તરકીબ શોધાઈ રહી છે. જો કે આ પગલાંનો પણ દુનિયામાં ભારે વિરોધ થઈ શકે છે.
સીઆરઈએ ડેટા અનુસાર, ભારત ઓક્ટોબરમાં રશિયા પાસેથી ઊર્જાનો બીજો સૌથી મોટો ખરીદનાર દેશ હતો, જેણે (રૂપિયા 28 હજાર કરોડ+)ની ખરીદી કરી હતો. આમાં ક્રૂડ ઓઇલ (૮૧%), કોલસો (૧૧%) અને તેલ ઉત્પાદનો (૭%)નો સમાવેશ થાય છે. ત્યારબાદ ઓક્ટોબરમાં ચીને ૫.૮ બિલિયન યુરોની ખરીદી કરી.
