દેશના આ એરપોર્ટ પરથી ચાલશે પ્રથમ એર ટ્રેન…ફ્રીમાં કરી શકશો મુસાફરી, જાણો શું છે આ ટ્રેનની ખાસિયત

તમે અત્યારસુધી રેલવે ટ્રેક પર ચાલનારી ટ્રેનને જોઈ હશે, બુલેટ ટ્રેનને જોઈ હશે, વંદે ભારત ટ્રેન અને મેટ્રો ટ્રેન વિશે પણ સાંભળ્યું હશે પરંતુ હવે તમને કોઈ એર ટ્રેન વિશે કહે તો તમને પણ આશ્ચર્ય થશે !! આ વાત સાચી છે હવે એરપોર્ટ પરથી એર ટ્રેન ઉડાન ભરી શકશે. દિલ્હી ઇન્ટરનેશનલ એરપોર્ટ લિમિટેડ (DIAL) એ દિલ્હી એરપોર્ટ પર ભારતની પ્રથમ એર ટ્રેન અથવા ઓટોમેટેડ પીપલ મૂવર (APM) બનાવવા માટે ટેન્ડર બહાર પાડ્યું છે.

દિલ્હી એરપોર્ટના ટર્મિનલ 1 થી ટર્મિનલ 2 અથવા 3 સુધી જવું ખૂબ મુશ્કેલ બની ગયું છે, કારણ કે ઘણી વખત લોકો જામના કારણે સમયસર એરપોર્ટ પર પહોંચી શકતા નથી અને તેમની ફ્લાઈટ ચૂકી જાય છે. આ સમસ્યાને ઉકેલવા માટે, દિલ્હી ઇન્ટરનેશનલ એરપોર્ટ લિમિટેડ (DIAL) એ ટર્મિનલ 1 અને ટર્મિનલ 2/3 વચ્ચે ઓટોમેટેડ પીપલ મૂવર (APM) બનાવવાનું નક્કી કર્યું છે.

દિલ્હી એરપોર્ટ પર એર ટ્રેન દોડશે

દિલ્હી એરપોર્ટ ઓપરેટર DIAL ટર્મિનલ 1 અને અન્ય બે ટર્મિનલ વચ્ચે કનેક્ટિવિટી વધારવા માટે એર ટ્રેન શરૂ કરવાની યોજના બનાવી રહી છે. તમને જણાવી દઈએ કે ઈન્દિરા ગાંધી ઈન્ટરનેશનલ એરપોર્ટ (IGIA) દેશનું સૌથી વ્યસ્ત એરપોર્ટ છે અને તેના ત્રણ ટર્મિનલ છે. DIAL નો હેતુ ડિઝાઇન, બિલ્ડ, ફાઇનાન્સ, ઓપરેટ અને ટ્રાન્સફર મોડલ પર આધારિત “એલિવેટેડ અને એટ-ગ્રેડ ઓટોમેટેડ પીપલ મૂવર (APM) સિસ્ટમ” ને અમલમાં મૂકવાનો છે. એપીએમ અથવા એર ટ્રેન માટે ટેન્ડર પહેલેથી જ બહાર પાડવામાં આવ્યા છે.

APM સિસ્ટમ ટર્મિનલ 1 અને ટર્મિનલ 2 અને 3 વચ્ચે વિશ્વસનીય, ઝડપી અને સીમલેસ કનેક્ટિવિટી પ્રદાન કરવા માટે ડિઝાઇન કરવામાં આવી છે, જે એરોસિટી અને કાર્ગો સિટી દ્વારા આશરે 7.7 કિમીના રૂટની લંબાઈને આવરી લે છે. તે જ સમયે, આ સિસ્ટમ મુસાફરોની આરામમાં સુધારો કરશે, ASQ સ્કોર વધારશે અને કાર્બન ઉત્સર્જનમાં પણ ઘટાડો કરશે.

હાલમાં દિલ્હી એરપોર્ટ પર એક ટર્મિનલથી બીજા ટર્મિનલ પર જવા માટે ડીટીસી બસ દ્વારા મુસાફરી કરવી પડતી હતી, જેમાં ઘણો સમય લાગે છે. પરંતુ હવે હવાઈ ટ્રેન દોડવાથી આ યાત્રા થોડીવારમાં પૂર્ણ થઈ જશે. DIAL એ આ પ્રોજેક્ટ માટે ટેન્ડર બહાર પાડ્યું છે અને એવી અપેક્ષા છે કે ઓક્ટોબર-નવેમ્બર સુધીમાં બિડિંગ શરૂ થશે.

એર ટ્રેનના 4 સ્ટોપેજ હશે. તમને જણાવી દઈએ કે દુનિયાના ઘણા દેશોના એરપોર્ટ પર એર ટ્રેન દોડે છે. હવે ભારતમાં પણ તેની શરૂઆત થવા જઈ રહી છે. એરપોર્ટ ઈન્ફ્રાસ્ટ્રક્ચર સુધારવાનો ખર્ચ એરલાઈન્સ દ્વારા વસૂલવામાં આવતી લેન્ડિંગ અને પાર્કિંગ ફીમાંથી વસૂલવામાં આવે છે.

એર ટ્રેન શું છે ?

એર ટ્રેનો સામાન્ય રીતે વિશ્વભરના મુસાફરો માટે મફત છે, જે ટર્મિનલ વચ્ચે દોડે છે. એર ટ્રેન, જેને ઓટોમેટેડ પીપલ મૂવર (APM) પણ કહેવાય છે, તે એક ઓટોમેટેડ ટ્રેન સિસ્ટમ છે જેનો ઉપયોગ એરપોર્ટ પર વિવિધ ટર્મિનલ્સ અને અન્ય મહત્વપૂર્ણ સ્થાનોને જોડવા માટે થાય છે. આ મોનોરેલ તરીકે કામ કરે છે, જે મુસાફરોની સુવિધા માટે ઘણા આંતરરાષ્ટ્રીય એરપોર્ટ પર કાર્યરત છે. તેનો મુખ્ય ઉદ્દેશ્ય મુસાફરોને એક ટર્મિનલથી બીજા ટર્મિનલ સુધી ઝડપી અને સુવિધાજનક રીતે પરિવહન કરવાનો છે.

દિલ્હી એરપોર્ટ પર એર ટ્રેનની જરૂર કેમ પડી ?

દિલ્હી એરપોર્ટ એ ભારતનું સૌથી વ્યસ્ત એરપોર્ટ છે અને દર વર્ષે 7 કરોડથી વધુ મુસાફરો તેના પરથી ઉડાન ભરે છે. આગામી 6-8 વર્ષમાં આ સંખ્યા બમણી થવાની ધારણા છે. આવી સ્થિતિમાં, ટર્મિનલ્સ વચ્ચે સારી કનેક્ટિવિટી ખૂબ જ મહત્વપૂર્ણ છે. ટર્મિનલ 1 ટર્મિનલ 2 અને 3 થી થોડે દૂર સ્થિત છે અને હાલમાં, મુસાફરો રસ્તા દ્વારા ટર્મિનલ વચ્ચે મુસાફરી કરે છે, જેમાં નોંધપાત્ર સમય લાગે છે. તેથી એર ટ્રેન ચલાવવાનો નિર્ણય લેવામાં આવ્યો છે.