નરેન્દ્ર મોદીના વિમાનમાં ટેક્નિકલ ખામી, દેવઘર એરપોર્ટ પર રોકવું પડ્યું પ્લેન
દેવધરથી દિલ્હી જવાના હતા : ઝારખંડમાં રાહુલ ગાંધીનું હેલીકોપ્ટર અટકાવી દેવાયુ
વડાપ્રધાન નરેન્દ્ર મોદી શુક્રવારે ચૂંટણી પ્રચાર માટે ઝારખંડ પહોંચ્યા હતા. વડાપ્રધાન મોદીને ઝારખંડના દેવઘરથી દિલ્હી આવવાનું હતું, પરંતુ વડાપ્રધાન મોદીના વિમાનમાં ટેક્નિકલ ખામી સર્જાઈ હતી. જેના કારણે વિમાનને દેવઘર એરપોર્ટ પર જ રોકવું પડ્યું અને વડાપ્રધાન નરેન્દ્ર મોદીને દિલ્હી પરત ફરવામાં થોડો વિલંબ થયો હતો.
ડાપ્રધાન નરેન્દ્ર મોદીએ આજે ભગવાન બિરસા મુંડાના 150માં જયંતી વર્ષના શુભારંભ કાર્યક્રમમાં ભાગ લીધો હતો. વડાપ્રધાને આજે જમુઈ જિલ્લામાં જનસભાને સંબોધિ હતી.આ અવસરે તેમણે 6640 કરોડ રૂપિયાથી વધુના વિકાસ કાર્યોનું ઉદ્ધાટન અને શિલાન્યાસ કર્યા હતા. આ પ્રોજેક્ટ્સમાં રસ્તા, વિજળી, જળ આપૂર્તિ, અને સ્વાસ્થ્ય સંબંધિત મહત્વપૂર્ણ યોજનાઓ સામેલ છે.
ઝારખંડમાં ચૂંટણી પ્રચાર કરવા પહોંચેલા કોંગ્રેસ નેતા રાહુલ ગાંધીનું હેલિકોપ્ટર શુક્રવારે રોકી દેવાયું હતું. એ.ટી.સી.તરફથી ક્લિયરન્સ ન મળવાના કારણે આ હેલિકોપ્ટરને ઉડાન ભરવાની મંજૂરી આપવામાં આવી ન હતી. રાહુલ ગાંધીના હેલિકોપ્ટરને મહાગામામાં રોકી દેવાયું હતું.
કોંગ્રેસે આરોપ લગાવ્યો છે કે, ‘રાહુલ ગાંધીના હેલિકોપ્ટરને અંદાજિત પોણા ત્રણ કલાક રોકવામાં આવ્યું હતું. વડાપ્રધાન નરેન્દ્ર મોદીની જાહેરસભાને લીધે રાહુલ ગાંધીના હેલિકોપ્ટરને ઉડાન ભરવાની મંજૂરી આપવામાં આવી ન હતી.
