તારક મહેતાની સોનુએ પ્રભુતામાં પગલાં માંડ્યા : ઝિલ મહેતાએ બોયફ્રેન્ડ આદિત્ય દુબે સાથે કર્યા લગ્ન, તસવીરો થઈ વાયરલ

તારક મહેતાની સોનુ ભીડે ઉર્ફે ઝિલ મહેતાએ પ્રભુતામાં પગલા માંડ્યા છે. અભિનેત્રીએ તેના બોયફ્રેન્ડ આદિત્ય દુબે સાથે લગ્ન કર્યા છે. અભિનેત્રીના લગ્ન કોઈ પરીકથાથી ઓછા નહોતા. ઝીલ મહેતા દુલ્હન બનીને ખૂબ જ સુંદર લગતી હતી. લગ્નની તસવીરો હાલ સોશિયલ મીડિયામાં વાયરલ થઈ રહી છે.

 ઝિલના લગ્ન ક્યારે થયા ?

ઝીલ અને આદિત્યના લગ્ન રોયલ સ્ટાઈલમાં કરવામાં આવ્યા હતા જેમાં ફક્ત કેટલાક ખાસ મિત્રો અને પરિવારના સભ્યો જ હાજર હતા. ઝીલના લગ્ન 31 ડિસેમ્બર, 2024ના રોજ થયા હતા. જો કે રિપોર્ટ્સનું માનીએ તો બંનેએ 28 ડિસેમ્બરે લગ્ન કર્યા હતા. હાલમાં જ તેના ઈન્સ્ટાગ્રામ એકાઉન્ટ પર એક વીડિયો પોસ્ટ કરવામાં આવ્યો છે જેમાં તેના જયમાલા સમયની એક ઈમોશનલ ક્ષણ જોવા મળી હતી.

 ઝીલે લાલ રંગનો લહેંગા પહેર્યો હતો જેમાં તે ખૂબ જ સુંદર લાગી રહી હતી. ઝીલ એટલી સુંદર દેખાતી હતી  કે કોઈ તેમના પરથી નજર હટાવી શકતું ન હતું.

ઝિલને દુલ્હનના પોશાકમાં જોઈને આદિત્ય ભાવુક થઈ ગયો અને તેની આંખોમાં આંસુ આવી ગયા. લોકો તેના વીડિયો પર ઘણી કોમેન્ટ કરી રહ્યા છે.

28 ડિસેમ્બરે ઝિલ અને આદિત્યના લગ્ન છે. તેણે પોતાના લગ્નના તમામ ફંક્શનના વીડિયો શેર કર્યા છે. જેમાં બંને પોતાના લગ્નને ખૂબ એન્જોય કરતા જોવા મળે છે. ઝિલ અને આદિત્ય ઘણા વર્ષોથી એકબીજાને ડેટ કરી રહ્યા હતા. ઘણા વર્ષો સુધી ડેટિંગ કર્યા બાદ આ કપલે હવે લગ્ન કરી લીધા છે. બંને એકબીજાને પરિણીત યુગલ તરીકે જોઈને ખૂબ જ ખુશ હતા.

તમને જણાવી દઈએ કે તારક મહેતા કા ઉલ્ટા ચશ્મા બાદ ઝિલ મહેતાએ અભિનયની દુનિયાથી અંતર બનાવી લીધું છે. તે હવે બિઝનેસ વુમન બની ગઈ છે અને સોશિયલ મીડિયા પર પણ આ વિશે માહિતી આપે છે.