સુનીલ શેટ્ટીને હંટર-2ના શૂટિંગ દરમિયાન થઈ ગંભીર ઈજા, જાણો હવે કેવી છે તબિયત ??
હંટર-2ના શૂટિંગ દરમિયાન સુનીલ શેટ્ટીને ગંભીર ઈજા થઈ હતી. અહેવાલ છે કે એક એક્શન સીન કરતી વખતે તેની પાંસળીમાં ઈજા થઈ હતી. આ પછી તબીબોની ટીમ તરત જ સેટ પર પહોંચી અને તેની સારવાર શરૂ કરવામાં આવી.
પિંકવિલાના જણાવ્યા અનુસાર, હન્ટર-2માં એક્શન સીન દરમિયાન સુનીલ શેટ્ટીને તેની પાંસળીમાં લાકડું લાગ્યું હતું, જેના કારણે તે ખરાબ રીતે ઘાયલ થાય હતા. તેમને ભારે દુખાવો પણ થઈ રહ્યો છે. સેટ પર ડોક્ટરો અને એક્સ-રે મશીન બોલાવવામાં આવ્યા છે.
હંટર વેબ સિરીઝ 2023માં આવી હતી. તમને જણાવી દઈએ કે, ‘હન્ટર’ એક એક્શન થ્રિલર વેબ સિરીઝ છે. જેમાં સુનીલ શેટ્ટીએ મુખ્ય અભિનેતા તરીકે એસીપી વિક્રમ સિંહાની ભૂમિકા ભજવી હતી. આ સિરીઝ ગયા વર્ષે OTT પ્લેટફોર્મ પર રિલીઝ થઈ હતી. સુનીલ શેટ્ટીની સાથે એશા દેઓલ, રાહુલ દેવ, બરખા બિષ્ટ, મિહિર આહુજા, ટીના સિંહ, ચાહત તેજવાની, કરણવીર શર્મા, સિદ્ધાર્થ ખેર, ગાર્ગી સાવંત અને પવન ચોપરા પણ જોવા મળ્યા હતા.
વેબ સિરીઝ ‘હન્ટર’ના આઠ એપિસોડ છે. આ સિરીઝમાં મુંબઈની અંડરવર્લ્ડની દુનિયા દર્શાવવામાં આવી છે. તે જ સમયે, એસીપી વિક્રમ એટલે કે સુનીલ શેટ્ટી, જે ગુમ થયેલી મહિલાને શોધવાના મિશન પર છે, તે આ સમય દરમિયાન ઘણી બધી બાબતોમાંથી પસાર થાય છે.
આ ફિલ્મોમાં જોવા મળશે વર્ક ફ્રન્ટની વાત કરીએ તો સુનીલ શેટ્ટી પાસે ઘણા પ્રોજેક્ટ છે. અભિનેતા ‘વેલકમ 3’થી લઈને ‘ધ લિજેન્ડ ઓફ સોમનાથ’માં જોવા મળશે.
