Sikandar Teaser : આતુરતાનો અંત ; સલમાન ખાનની મોસ્ટ અવેટેડ ફિલ્મ ‘સિકંદર’નું ટીઝર રિલીઝ
ફાયનલી… સલમાન ખાનની મોસ્ટ અવેટેડ ફિલ્મ ‘સિકંદર’નું ટીઝર રિલીઝ થઈ ગયું છે. આ ટીઝર, જે 27 ડિસેમ્બરે રિલીઝ થવાનું હતું, ભૂતપૂર્વ વડા પ્રધાન મનમોહન સિંહના નિધનને કારણે મોકૂફ રાખવામાં આવ્યું હતું. હવે દોઢ દિવસની રાહ જોયા બાદ ચાહકોને તેમની ‘સિકંદર’ની પહેલી ઝલક જોવા મળી છે. દબંગ ખાનના ચાહકો માટે આ ટીઝર એક મોટી ટ્રીટ છે.
કેવું છે ટીઝર ?
સિકંદરનું ટીઝર સલમાન ખાનના સ્વેગથી ભરેલું છે. એક્શનમાં સલમાનનો ઉત્સાહ વધારે હતો. આ ટીઝર દબંગ ખાનના ચાહકોમાં લોકપ્રિય છે. ચાહકોનું કહેવું છે કે આ ફિલ્મ બોક્સ ઓફિસ પર સુપર ડુપર હિટ સાબિત થશે. ટીઝરની શરૂઆત સલમાનના વિસ્ફોટક એક્શનથી થાય છે. તેઓ દુશ્મનોથી ઘેરાયેલા છે.
ટીઝર જુઓ…
આ ટીઝર 1 મિનિટ 42 સેકન્ડનું છે. જેમાં સૌથી પહેલા સલમાન ખાનની ગ્રાન્ડ એન્ટ્રી થાય છે. બેકગ્રાઉન્ડમાં મ્યુઝિક વાગે છે. તે પછી સલમાન ખાન માત્ર એક લાઈન બોલીને જ છવાઈ ગયો છે. તે કહે છે, “સાંભળ્યું છે કે ઘણા લોકો મારી પાછળ પડ્યા છે. બસ મારા પાછળ ફરવાની જ રાહ છે.” તે પછી તેનો સ્વેગ દેખાય છે. જે બાદ તે હાથમાં રાઈફલ લઈને દુશ્મનોને ખતમ કરતો જોવા મળે છે.
સલમાનની દમદાર એન્ટ્રી
આ ટીઝરમાં સલમાનની દમદાર એન્ટ્રી, એક લાઈનનો ડાયલોગ અને દુશ્મનો સાથેની થોડી સેકન્ડની લડાઈ સિવાય બીજું કંઈ નથી. રશ્મિકા મંદન્ના અને સત્યરાજ પણ આ ફિલ્મનો ભાગ છે. જોકે ટીઝરમાં કોઈને સ્થાન આપવામાં આવ્યું નથી. તેમાં માત્ર સલમાન ખાન જ દેખાયો છે.
સલમાને રશ્મિકા સાથે જોડી બનાવી હતી
ડિરેક્ટર એ. આર. મુરુગાદોસ દ્વારા નિર્દેશિત સિકંદર 2025ની ઈદમાં રિલીઝ થશે. તેને સાજિદ નડિયાદવાલાના બેનર હેઠળ પ્રોડ્યુસ કરવામાં આવી છે. ફિલ્મમાં સલમાન ખાન સિવાય રશ્મિકા મંદન્ના, કાજલ અગ્રવાલ, સત્યરાજ અને પ્રતિક બબ્બર જોવા મળશે. સલમાન ખાન અને સાજિદ નડિયાદવાલા એક દાયકા પછી મોટા બજેટની ફિલ્મ માટે સાથે આવ્યા છે. રશ્મિકા સાથે સલમાનની જોડી અદ્ભુત લાગશે. રણબીર કપૂર, વિજય દેવેરાકોંડા અને અલ્લુ અર્જુન સાથે અભિનેત્રીની જોડીએ હલચલ મચાવી દીધી છે. હાલમાં રશ્મિકા પુષ્પા 2 ફિલ્મની સફળતાનો આનંદ માણી રહી છે.
થિયેટરોમાં સલમાનની છેલ્લી રિલીઝ ટાઈગર 3 હતી. જે 2023માં રિલીઝ થઈ હતી. આ ફિલ્મ બોક્સ ઓફિસ પર કમાલ કરી શકી નથી. આ પહેલા તેની ફિલ્મ ‘કિસી કા ભાઈ કિસી કી જાન’ છેલ્લી ફિલ્મ રાધેએ ચાહકોને નિરાશ કર્યા છે. સલમાન 2025માં ફિલ્મ ‘સિકંદર’થી ફરી બોક્સ ઓફિસ પર રાજ કરી શકશે કે કેમ તે જોવું રહ્યું.
