ઈરાનમાં યુદ્ધ વચ્ચે હચમચાવતી ઘટના: 19 વર્ષીય બૉક્સરને ફાંસીએ લટકાવી દેવાયો, બે પોલીસ અધિકારીની હત્યાનો આરોપ
ઈરાનમાં ખેલાડીઓ ઉપર થઈ રહેલી દમનરૂપ કાર્યવાહી રમત-ગમત જગતને હચમચાવી રહી છે. તાજેતરમાં જ 19 વર્ષના પહેલવાન સાલેહ મોહમ્મદીને ફાંસી અપાઈ હતી, અને હવે જેલમાં કેદ અન્ય ખેલાડીઓની સુરક્ષા અને તેમના ભવિષ્યને લઈને વૈશ્વિક સ્તરે ચિંતા વધતી જતી જોવા મળી રહી છે.
આંતરરાષ્ટ્રીય સ્તરે બ્રોન્ઝ મેડલ વિજેતા પહેલવાન સાલેહ મોહમ્મદીને બે પોલીસ અધિકારીઓની હત્યાના આરોપમાં ફાંસી આપવામાં આવી હતી. મોહમ્મદીએ અદાલતમાં આ આરોપોને ફગાવતાં દાવો કર્યો હતો કે તેને અસહ્ય પીડા આપીને ગુનો કબૂલ કરાવવામાં આવ્યો. સીસીટીવી ફૂટેજ અને નજરે જોનારા લોકોના નિવેદનોને કથિત રીતે અવગણવામાં આવ્યા છે. આ મામલો 2018ના વિરોધ પ્રદર્શન પછી ફાંસી પર ચડાવાયેલા પહેલવાન નવીદ અફકારીની યાદ અપાવે છે, જે ઈરાનમાં ખેલાડીઓના દમનનું પ્રતીક બન્યો હતો.
આ પણ વાંચો: Zomatoએ આપ્યો ઝટકો: હવે ઓનલાઇન ખાવાનું ઓર્ડર કરવું મોંઘું પડશે, કંપનીએ પ્લેટફોર્મ ફીમાં કર્યો આટલા રૂપિયાનો વધારો
ઈરાનની જેલોમાં હાલ અનેક પ્રતિષ્ઠિત ખેલાડીઓ, કોચ અને રેફરીઓ કેદ છે, જેમાં ફૂટબોલર મોહમ્મદ હુસેન હુસૈની, આમિર રઝા નસ્ર આઝાદાની, બોક્સર મોહમ્મદ જવાદ વફાએ સાની અને મોહમ્મદ મહશારી, વોટર પોલો ગોલકિપર અલી પિશેવરજાદેહ, દોડવીર નીલોફર પાસ અને બાસ્કેટબોલ કોચ પયામ વાહિદીનો સમાવેશ થાય છે.
ઈરાનની અંદર અને બહારના 200થી વધુ ખેલાડીઓએ આંતરરાષ્ટ્રીય ઓલિમ્પિક સમિતિને પત્ર લખીને કડક પગલાં ઉઠાવવાની માંગ કરી છે. તેમનો તર્ક છે કે ઈરાની રમત-ગમત ફેડરેશન સ્પષ્ટ રીતે સલામતી સાથે જોડાયેલા છે, જે ખેલાડીઓના માનવાધિકારોનું ઉલ્લંઘન કરે છે.
