સલમાન ખાનની હાલત બાબા સિદ્દીકીથી પણ ખરાબ હશે… ભાઈજાનને ફરી મળી ધમકી
અભિનેતા સલમાન ખાનને ફરી એકવાર ધમકી મળી છે. સલમાનને ધમકીભર્યો મેસેજ મોકલનાર વ્યક્તિએ પોતાને લોરેન્સ બિશ્નોઈ ગેંગનો નજીકનો ગણાવ્યો છે. બાબા સિદ્દીકીના મૃત્યુ બાદ હવે બોલિવૂડ અભિનેતાને વાય+ સુરક્ષા આપવામાં આવી છે. તેમની સુરક્ષા હેઠળ લગભગ ૨૫ સુરક્ષા કર્મચારીઓ હશે, જેમાં ૨ થી ૪ એનએસજી કમાન્ડો અને પોલીસ સુરક્ષા કર્મચારીઓનો સમાવેશ થાય છે.
મળતી માહિતી મુજબ, મુંબઈ ટ્રાફિક પોલીસના વોટ્સએપ નંબર પર ધમકીભર્યો એસએમએસ આવ્યો છે. જેમાં લોરેન્સ બિશ્નોઈ સાથેની લાંબા સમયથી ચાલી રહેલી દુશ્મની ખતમ કરવા માટે સલમાન ખાન પાસેથી ૫ કરોડ રૂપિયાની માંગ કરવામાં આવી છે.
મેસેજ મોકલનાર વ્યક્તિએ પોતાને લોરેન્સ બિશ્નોઈ ગેંગનો નજીકનો ગણાવ્યો છે. મુંબઈ ટ્રાફિક પોલીસના વોટ્સએપ નંબર પર આ ધમકીભર્યો મેસેજ આવ્યો છે. જેમાં લોરેન્સ બિશ્નોઈ સાથે લાંબા સમયથી ચાલી રહેલી દુશ્મની ખતમ કરવા માટે અભિનેતા સલમાન ખાન પાસેથી 5 કરોડ રૂપિયાની માંગ કરવામાં આવી છે. મેસેજમાં એવું પણ લખવામાં આવ્યું છે કે ‘આને હળવાશથી ન લો, નહીં તો સલમાન ખાનની હાલત બાબા સિદ્દીકી કરતા પણ ખરાબ થઈ જશે.’ આ મામલે મુંબઈ પોલીસે તપાસ શરૂ કરી છે.
આ મેસેજ મોકલનાર વ્યક્તિએ દાવો કર્યો છે કે તે સલમાન અને લોરેન્સ ગેંગ વચ્ચે સમાધાન કરાવશે. સાથે જ ચેતવણી આપી છે કે જો પૈસા નહીં આપવામાં આવે તો સલમાન ખાનની હાલત બાબા સિદ્દીકી કરતા પણ ખરાબ થઈ જશે. મુંબઈ પોલીસે આ મામલાને ખૂબ જ ગંભીરતાથી લીધો છે અને મામલાની તપાસ શરૂ કરી છે.
સલમાનની હત્યાનું ષડયંત્ર રચાઈ રહ્યું છે ?
આ પહેલા મુંબઈ પોલીસે સલમાનની હત્યાનું કાવતરું ઘડવા બદલ એક આરોપીની ધરપકડ કરી હતી. બુધવારે એક પોલીસ અધિકારીએ જણાવ્યું કે, હરિયાણાના પાણીપતથી એક આરોપીની ધરપકડ કરવામાં આવી છે. વ્યક્તિનું નામ સુખા છે. તે બિશ્નોઈ ગેંગનો શાર્પ શૂટર છે અને તેને નવી મુંબઈ લાવવામાં આવ્યો છે. તેને ગુરુવારે કોર્ટમાં રજૂ કરવામાં આવનાર છે.
મળતી માહિતી મુજબ, મુંબઈ પોલીસ અને હરિયાણા પોલીસના સંયુક્ત ઓપરેશનમાં લોરેન્સ બિશ્નોઈના આ શાર્પ શૂટરને પાણીપતથી પકડવામાં આવ્યો હતો. વર્ષ 2022 માં, લોરેન્સ અને ગોલ્ડી બ્રારના કહેવા પર, સુખાએ મુંબઈમાં સલમાન ખાનના પનવેલ ફાર્મહાઉસની રેસી કરી હતી. રેકી પછી સુખા સલમાન પર હુમલો કરવાનો હતો, પરંતુ તેનો પ્લાન નિષ્ફળ ગયો. બિશ્નોઈના શૂટર્સે વર્ષ 2022માં સલમાનને મારવા માટે ઘણી વખત ફાર્મ હાઉસની રેકી કરી હતી, પરંતુ હુમલાનો પ્લાન નિષ્ફળ ગયો હતો. શૂટરોએ ફાર્મ હાઉસના ગાર્ડ સાથે મિત્રતા પણ કરી લીધી હતી.
