નીટની બીજીવાર લેવાયેલી પરીક્ષાનું પરિણામ જાહેર

નીટ 2024ની રિ-ટેસ્ટની પરીક્ષાના પરિણામો નેશનલ ટેસ્ટિંગ એજન્સી દ્વારા જાહેર કરી દેવામાં આવ્યા હતા. વિદ્યાર્થીઓ તેમનું પરિણામ સત્તાવાર વેબસાઈટ exams.nta.ac.in/NEET/ પર જોઈ શકશે. આ પરીક્ષા પેપર લીક થયા બાદ ફરી આયોજિત કરવામાં આવી હતી.

ટોપર્સની સંખ્યા ઘટી
નેશનલ ટેસ્ટિંગ એજન્સીએ 23 જૂને 1563 વિદ્યાર્થી માટે ફરી વાર પરીક્ષા યોજી હતી, પરંતુ તેમાં ફક્ત 813 વિદ્યાર્થીએ હાજરી આપી હતી. જો કે આ વખતના પરિણામમાં ટોપર્સની સંખ્યા 67થી ઘટાડીને 61 થઈ ગઈ છે. હવે ટૂંક સમયમાં exams.nta.ac.in પર રિવાઈઝ મેરિટ લિસ્ટ જોવા મળશે.

આ પરીક્ષામાં ભાગ લેનારા ઉમેદવારો NEET UG 2024 પરીક્ષા પોર્ટલ exams.nta.ac.in/NEET પર તેમના એપ્લિકેશન નંબર અને ડેટ ઓફ બર્થની વિગતો દ્વારા લોગ ઇન કરી તેમના રિઝલ્ટ ચેક કરી શકશે.