Red Fort Blast : ભૂટાનથી પાછા ફરીને વડાપ્રધાન મોદી પહોંચ્યા LNJP હૉસ્પિટલ,બ્લાસ્ટની ઘટનામાં ઘાયલ થયેલા લોકોને મળ્યા
દિલ્હીના લાલ કિલ્લા પાસે બ્લાસ્ટની ઘટનાએ ન માત્ર દિલ્હી પરંતુ સમગ્ર દેશને હચમચાવી નાખ્યું છે. ત્યારે લાલ કિલ્લા મેટ્રો સ્ટેશન નજીક ભીડભાડવાળા વિસ્તારમાં એક કારમાં વિસ્ફોટ થતાં બાર લોકોના મોત નિપજ્યાં હતા અને 20 થી વધુ લોકો ઘાયલ થયા હતા ત્યારે ભૂટાનથી આવ્યા બાદ એરપોર્ટથી તરત જ વડાપ્રધાન મોદી હોસ્પિટલ પહોંચ્યા હતા અને ઘાયલોના ખબર-અંતર પૂછ્યા હતા.
પીએમ મોદીએ હોસ્પિટલમાં ઘાયલોની તબિયત પૂછી
ભૂટાનથી પરત ફર્યા બાદ, પ્રધાનમંત્રી મોદી સીધા LNJP હોસ્પિટલ ગયા અને દિલ્હી વિસ્ફોટમાં ઘાયલ થયેલા લોકો સાથે મુલાકાત કરી. તેમણે ઘાયલોને મળ્યા અને તેમના ઝડપી સ્વસ્થ થવાની કામના કરી. હોસ્પિટલના અધિકારીઓ અને ડોક્ટરોએ પણ તેમને પરિસ્થિતિ વિશે માહિતી આપી. પીએમએ કહ્યું, “આ ષડયંત્ર પાછળ રહેલા લોકોને છોડવામાં આવશે નહીં, એક પણ દોષિતોને પણ બક્ષવામાં આવશે નહીં.”
પ્રધાનમંત્રી મોદીએ સોશિયલ મીડિયા હેન્ડલ X પર શેર કરી માહિતી
પ્રધાનમંત્રી નરેન્દ્ર મોદીએ દિલ્હીમાં LNJP હોસ્પિટલની મુલાકાત લીધી અને દિલ્હી બોમ્બ વિસ્ફોટમાં ઘાયલ થયેલા લોકો સાથે મુલાકાત કરી. પ્રધાનમંત્રીએ આ માહિતી તેમના સત્તાવાર સોશિયલ મીડિયા હેન્ડલ, X પર શેર કરી. પ્રધાનમંત્રી નરેન્દ્ર મોદી આજે ભૂટાનથી દિલ્હી પાછા ફર્યા. તેઓ એરપોર્ટથી સીધા હોસ્પિટલ ગયા. દિલ્હી બોમ્બ વિસ્ફોટમાં ઘાયલ થયેલા લોકોને સારવાર માટે LNJP હોસ્પિટલમાં દાખલ કરવામાં આવ્યા છે.
Went to LNJP Hospital and met those injured during the blast in Delhi. Praying for everyone’s quick recovery.
— Narendra Modi (@narendramodi) November 12, 2025
Those behind the conspiracy will be brought to justice! pic.twitter.com/HfgKs8yeVp
પ્રધાનમંત્રી મોદી દિલ્હી પહોંચ્યા પછી સીધા LNJP હોસ્પિટલ ગયા
ભૂટાનની બે દિવસીય રાજ્ય મુલાકાતથી પાછા ફરતા, પ્રધાનમંત્રી મોદી દિલ્હી પહોંચ્યા પછી સીધા LNJP હોસ્પિટલ ગયા. પ્રધાનમંત્રી મોદીએ ઘાયલોને વ્યક્તિગત રીતે મળ્યા અને તેમના ઝડપી સ્વસ્થ થવાની કામના કરી. હોસ્પિટલના અધિકારીઓ અને ડોકટરોએ પણ તેમને પરિસ્થિતિ વિશે અપડેટ કર્યા.
“ષડયંત્રકારોને ન્યાયના કઠેડામાં લાવવામાં આવશે.”
ઘાયલો સાથેની તેમની મુલાકાતની માહિતી શેર કરતા, પ્રધાનમંત્રીએ X પર લખ્યું, “દિલ્હી બોમ્બ વિસ્ફોટમાં ઘાયલ થયેલા લોકોને મળવા માટે LNJP હોસ્પિટલની મુલાકાત લીધી. હું દરેકના ઝડપી સ્વસ્થ થવાની પ્રાર્થના કરું છું. કાવતરામાં શામેલ એકપણ ગુન્હેગારોને છોડવામાં આવશે નહીં.
સોમવાર, 10 નવેમ્બરની સાંજે, લાલ કિલ્લા મેટ્રો સ્ટેશન પાસે એક ખતરનાક કાર બોમ્બ વિસ્ફોટ થતાં રાષ્ટ્રીય રાજધાની હચમચી ગઈ. આ ઘટનાથી સમગ્ર દેશમાં ભયનો માહોલ સર્જાયો હતો અને હાઈ એલર્ટ જારી કરવામાં આવ્યું હતું.
પીએમ મોદીએ ભૂટાનથી સ્પષ્ટ સંદેશ આપ્યો હતો
દિલ્હી વિસ્ફોટ પછી ભૂટાનથી પોતાના પહેલા ભાષણમાં, વડા પ્રધાન નરેન્દ્ર મોદીએ ઘટનાનો ઉલ્લેખ કરીને ચેતવણી આપી હતી. તેમણે કહ્યું હતું કે વિસ્ફોટ માટે જવાબદાર તમામ લોકોને કોઈપણ કિંમતે છોડવામાં આવશે નહીં.
મંગળવારે ભૂટાનના થિમ્પુમાં બોલતા, વડા પ્રધાન નરેન્દ્ર મોદીએ કહ્યું હતું કે, “દિલ્હી વિસ્ફોટ પાછળના કાવતરાખોરોને બક્ષવામાં આવશે નહીં. જવાબદાર તમામ લોકોને ન્યાયના કઠેડામાં લાવવામાં આવશે.” વડા પ્રધાન મોદી રાજા જિગ્મે સિંગ્યે વાંગચુકના 70મા જન્મદિવસની ઉજવણીમાં હાજરી આપવા માટે પડોશી દેશની બે દિવસીય મુલાકાતે થિમ્પુમાં હતા.
એક જાહેર કાર્યક્રમને સંબોધતા, વડા પ્રધાન મોદીએ વિસ્ફોટને “ભયાનક” ગણાવ્યો અને કહ્યું કે તેઓ અસરગ્રસ્ત પરિવારોના દુ:ખને સમજે છે. તેમણે કહ્યું, “આજે આખો રાષ્ટ્ર તેમની સાથે ઉભો છે. હું આ ઘટનાની તપાસ કરી રહેલી તમામ એજન્સીઓના સંપર્કમાં છું. અમારી એજન્સીઓ આ ષડયંત્રના તળિયે પહોંચશે.”
