રતન ટાટાએ આમ આદમીના સપનાને કર્યું સાકાર : 1 લાખ વાળી નેનો કાર આપી
દેશમાં આમ તો ઘણા સાહસિકો છે પણ દેશના સાવ સામાન્ય માનવીને પણ મોટા માણસો જેવો ઠાઠ મળે તણી ચિંતા કોઈએ કરી નહતી અને તેમાં પણ રતન ટાટા આગળ રહ્યા હતા.
રતન ટાટાએ દેશના સામાન્ય માણસને એક લાખમાં કાર ખરીદવાનું સપનું પણ બતાવ્યું હતું. અને આ પરિપૂર્ણ કરવા માટે તેઓએ 2008માં ટાટા નેનોને બજારમાં ઉતારી. જો કે, આ કાર તેમની અપેક્ષા મુજબ માર્કેટમાં ધૂમ મચાવી શકી નથી. જેનો તેને અફસોસ પણ થયો હતો.
પરંતુ તેમના સમયમાં ટાટાએ પેસેન્જર કાર સેગમેન્ટમાં નેનો, ઈન્ડિકા અને ઈન્ડિગો લોન્ચ કરીને નવા બજારમાં પ્રવેશ કર્યો હતો. અને તે શરૂઆતનું પરિણામ એ છે કે આજે ટાટા મોટર્સ નેક્સોન, ટિયાગો, ટિગોર, હેરિયર જેવી નવી યુગની કાર દ્વારા પેસેન્જર કાર માર્કેટમાં ઝડપથી પકડ મેળવી રહી છે.
રતન હમેશા નાના માણસોની સુવિધા અને એમની મુશ્કેલીઓ સમજવા પ્રયાસ કરતાં હતા અને તેમાં યોગદાન આપવામાં એમને સાચા આનંદની અનુભૂતિ થતી હતી.