રણછોડ રંગીલા…હવે તમે પણ ડાકોરના રણછોડરાયજીને વસ્ત્રો કરી શકશો અર્પણ,જાણો ઓનલાઈન બુકિંગ કરવાની પ્રોસેસ સ્ટેપ બાય સ્ટેપ

ડાકોર ખેડા જિલ્લાનાં ઠાસરા તાલુકામાં આવેલું નગર છે અને રણછોડરાયજી મંદિર માટે પ્રખ્યાત છે. સુપ્રસિદ્ધ યાત્રાધામ ડાકોરમાં આવેલું રણછોડરાયજીનું મંદિર લાખો ભક્તોની આસ્થાનું કેન્દ્ર છે. ત્યારે મંદિર ટ્રસ્ટ દ્વારા એક અનોખી પહેલ શરૂ કરવામાં આવી છે. રણછોડરાયજી મંદિર ખાતે હવે ભાવિકો ઓનલાઈન વસ્ત્ર નોંધણી કરાવી શકશે. આવતીકાલથી વસ્ત્રોની નોંધણી માટે ઓનલાઇન બુકિંગ શરૂ કરવામાં આવશે. ભક્તો મંદિર દ્વારા નક્કી કરાયેલ ફી ઓનલાઈન ભરીને ભગવાનના સવાર અને સાંજ માટેના વસ્ત્રોની નોંધણી કરાવી શકશે.

કઈ વેબસાઇટ પર નોંધણી કરાવવાની રહેશે ??

ભાવિકો મંદિરની સત્તાવાર વેબાસાઈટ www.ranchhodraiji.org પરથી વસ્ત્રો માટે નોંધણી કરાવી શકશે. યાત્રાધામ ડાકોર ટેમ્પલ કમિટી દ્વારા શ્રી રણછોડરાયજી મંદિરમાં ભગવાનને વસ્ત્રો અર્પણ કરવાની ઓનલાઈન બુકિંગ સેવા 3 એપ્રિલથી શરૂ થશે. સવારે 10 વાગ્યે મંદિરની વેબસાઈટ વસ્ત્રોની નોંધણી માટે ખુલશે.

ઓનલાઈન વસ્ત્ર નોંધણી કરાવવાની ફી

વસ્ત્રની નોંધણી માટે સવારના વસ્ત્ર માટે 5000 રૂપિયા તેમજ સાંજના વસ્ત્ર માટે 2500 રૂપિયા ઓનલાઈન પેમેન્ટ દ્વારા જમા કરાવવાના રહેશે. વસ્ત્રની ઓનલાઈન નોંધણી કરાવતી વખતે એક જ તારીખમાં બે કે તેથી વધુ વૈષ્ણવોના વસ્ત્ર માટેનું બુકીંગ થયેલું હશે તો તેમાં બુકિંગનો-પેમેન્ટનો પહેલાં નાણાં ચૂકવનારનો સમય જ ધ્યાને લઈ વસ્ત્ર નોંધણી ક્રમ નકકી કરવામાં આવશે, જે સબંધે કોઈ ફરિયાદ સાંભળવામાં નહીં આવે અને મેનેજરનો નિર્ણય આખરી રહેશે.

વસ્ત્ર નોંધણી ઓનલાઈન કેવી રીતે કરી શકાય ??

• સ્ટેપ-1: તમારા Google ઇમેઇલ એકાઉન્ટથી લોગીન કરો.
• સ્ટેપ-2: મેનુમાંથી વસ્ત્ર નોંધણી પસંદ કરો. વિગતો વાંચ્યા બાદ નીચે નોંધણી માટેનું બટન આપવામાં આવ્યું હશે. તેના પર ક્લિક કરવું.
• સ્ટેપ-3: નિયમો અને શરતો વાંચીને રજીસ્ટ્રેશન ફોર્મ ભરો.
• સ્ટેપ-4: વિકલ્પ પસંદ કરો સવારના વસ્ત્ર અથવા સાંજના વસ્ત્ર. વસ્ત્ર લાગો ઉપરાંત ઋતુ અનુસાર વસ્ત્રનું કાપડ તથા દરજીની સિલાય અલગથી આપવાની રહેશેસ્ટેપ-5: વસ્ત્રના નિયમો અને શરતો વાંચી તેને accept (√) કર્યા બાદજ વસ્ત્ર નોંધણી માટે તારીખ સિલેક્ટ કરી શકાશે.
• સ્ટેપ-6: તમારી ડિટેઇલ ચેક કરી, કન્ફોર્મ કરી તમારી તારીખ પસંદ કરો.
  
• સ્ટેપ-7: નિયમો અને શરતો accept (√) કર્યા બાદ પેમેન્ટ કરો.
  સ્ટેપ-8: પેમેન્ટની પ્રોસેસ પુરી કરો, જો 60 મિનિટમાં પેમેન્ટની પ્રોસેસ નહીં થયેલ હોય તો તમારી પસંદ કરેલી તારીખ ફરીથી ઓપન થઇ જશે.
  
• સ્ટેપ-9: જો કોઈ કારણસર પેમેન્ટ નહીં થઇ શકે તો 60 મિનિટની અંદર My Accountમાં જઈ Pending Payment પસંદ કરી પેમેન્ટ પ્રોસેસ પુરી કરી શકાશે. દરેક વૈષ્ણવોને લાભ મળે તેના માટે એક ઇમેઇલ એકાઉન્ટથી એક જ તારીખની નોંધણી થશે.