રાહુલ ગાંધીને શું લાગ્યો ઝટકો ? વાંચો
કઈ અદાલતમાં હાજર થવાનું છે ?
લોકસભા ચૂંટણી લડી રહેલા રાહુલ ગાંધીને મંગળવારે રાંચીની એમપીએમએલે કોર્ટમાંથી મોટો ઝટકો લાગ્યો હતો. ગૃહમંત્રી અમિત શાહ વિરુદ્ધ કરેલી ટિપ્પણીના સંદર્ભમાં કોર્ટે રાહુલ ગાંધીને કોર્ટમાં શારીરિક રીતે હાજર થવા માટે સમન્સ જારી કર્યું હતું. આ કેસની આગામી સુનાવણી 11મી જૂને થવા જઈ રહી છે, જેમાં રાહુલ ગાંધીને હાજર રહેવા કહેવામાં આવ્યું છે. બીજેપી નેતા નવીન ઝાએ રાહુલ ગાંધી વિરુદ્ધ રાંચીની કોર્ટમાં ફરિયાદ કરી હતી.
આ કેસની જુબાની અને સુનાવણી બાદ રાહુલ ગાંધીને પહેલા જ સમન્સ જારી કરવામાં આવ્યા છે. આ સાથે જ રાહુલ ગાંધીએ નીચલી કોર્ટના સમન્સને ઝારખંડ હાઈકોર્ટમાં પડકાર્યો હતો, જેને હાઈકોર્ટે ફગાવી દીધો હતો. વર્ષ 2018માં કોંગ્રેસના સત્રમાં રાહુલ ગાંધીએ અમિત શાહ વિરુદ્ધ ટિપ્પણી કરી હતી.
હવે સાંસદ-ધારાસભ્ય કોર્ટે રાહુલને ફરીથી નવેસરથી સમન્સ જારી કર્યા છે. સંમેલનમાં રાહુલ ગાંધીએ કહ્યું હતું કે કોઈ કાતિલ કોંગ્રેસનો રાષ્ટ્રીય અધ્યક્ષ ન બની શકે. કોંગ્રેસીઓ એક ખૂનીને રાષ્ટ્રીય અધ્યક્ષ તરીકે સ્વીકારી શકતા નથી. ભાજપમાં જ આ શક્ય છે.
આ ટિપ્પણીને અપમાનજનક ગણાવીને ભાજપના નેતા નવીન ઝા તરફથી રાંચીની સિવિલ કોર્ટમાં રાહુલ ગાંધી વિરુદ્ધ ફરિયાદ દાખલ કરવામાં આવી હતી. આ પહેલા નવીન ઝાએ કાનૂની નોટિસ આપીને રાહુલ ગાંધીને અમિત શાહ વિરુદ્ધ કરેલી ટિપ્પણી બદલ માફી માંગવા કહ્યું હતું. પરંતુ રાહુલે માફી માંગી નહતી તો તેણે રાંચી સિવિલ કોર્ટમાં ફરિયાદ કરી, જેના પર કોર્ટે સંજ્ઞાન લીધું હતું.
