‘પુષ્પા 2’ એ લોકો પર કર્યો જાદુ !! કમાણીના તમામ રેકોર્ડ તોડયા, કલેક્શન સાંભળી હોશ ઊડી જશે
બોક્સ ઓફિસ પર વર્ષ 2024ની શરૂઆત ભલે ગમેતેમ થઈ હોય, પરંતુ આ વર્ષ અલ્લુ અર્જુનની ફિલ્મ ‘પુષ્પા 2’ સાથે શાનદાર રીતે સમાપ્ત થવા જઈ રહ્યું છે. સુકુમાર દ્વારા નિર્દેશિત આ ફિલ્મ સમગ્ર વિશ્વમાં ઘરેલું બોક્સ ઓફિસ કરતાં વધુ ઝડપથી ચાલી રહી છે. પુષ્પાએ લોકો પર જાદુ કરી દીધો છે. દરેક જગ્યાએ બસ એક નામ સાંભળવા મળે છે પુષ્પા !! આ ફિલ્મે રીલીઝ થતાંની સાથે જ અનેક રેકોર્ડ તોડી નાખ્યા છે. આ ફિલ્મે મંગળવારે જ વિશ્વભરમાં 1000 કરોડ રૂપિયાનો આંકડો પાર કરી લીધો હતો. હવે, બુધવાર સુધીમાં, ફિલ્મને સિનેમાઘરોમાં રિલીઝ થયાને એક અઠવાડિયું થઈ ગયું છે. ત્યારે જોઈએ આ ફિલ્મે 7માં દિવસે કેટલી કમાણી કરી.
પુષ્પા 2 એ બુધવારે વિશ્વભરમાં આટલી કમાણી કરી
અલ્લુ અર્જુન અને રશ્મિકાની સ્ટારર એક્શન થ્રિલર ફિલ્મ ‘પુષ્પા 2’ને વિદેશોમાં પણ ભારે દર્શકો મળી રહ્યા છે. મેકર્સે આ ફિલ્મને ઓસ્ટ્રેલિયા, મલેશિયા, જર્મની, ન્યુઝીલેન્ડ, સિંગાપોર, યુકે અને અમેરિકા જેવા દેશોમાં રિલીઝ કરી હતી. આ ફિલ્મે પ્રથમ ત્રણ દિવસમાં વિદેશમાં લગભગ 8 મિલિયન ડોલરની કમાણી કરી હતી. પુષ્પા 2 ઉત્તર અમેરિકામાં શ્રેષ્ઠ બિઝનેસ કરી રહી છે.
બુધવારે પણ પુષ્પ 2 નો સિક્કો સમગ્ર વિશ્વમાં ફરતો થયો. દક્ષિણના પ્રખ્યાત વેપાર વિશ્લેષક મનોબાલા વિજયબેને બુધવારે તેમના સત્તાવાર X એકાઉન્ટ પર ફિલ્મની વિશ્વભરમાં કમાણીના આંકડા શેર કર્યા છે. Mythri મૂવી મેકર્સના બેનર હેઠળ બનેલી પુષ્પાઃ ધ રૂલ (પુષ્પા 2 વર્લ્ડવાઈડ કલેક્શન)એ એક સપ્તાહમાં કુલ 1025 કરોડ રૂપિયાની કમાણી કરી છે. આ ફિલ્મે બુધવારે તેના એક જ દિવસે વિશ્વભરમાં 25 કરોડ રૂપિયાની કમાણી કરી લીધી છે.
એક અઠવાડિયામાં વિશ્વભરમાં 1025 કરોડ રૂપિયાનો બિઝનેસ કરનાર આ ફિલ્મે ઓવરસીઝ માર્કેટમાં કુલ 176 કરોડ રૂપિયાની કમાણી કરી છે. હવે ફિલ્મનું બીજું વીકેન્ડ આવવાનું છે અને 20મી ડિસેમ્બર પહેલા કોઈ મોટી ફિલ્મ રિલીઝ થઈ રહી નથી. આવી સ્થિતિમાં, પુષ્પા 2 પાસે વિશ્વભરમાં વધુ સારું કલેક્શન કરીને બીજી ઘણી મોટી ફિલ્મોને હરાવવાની દરેક તક છે.
