વડાપ્રધાને રચ્યો ઇતિહાસ: નરેન્દ્ર મોદીના ઇન્સ્ટાગ્રામ પર 100 મિલિયન ફોલોઅર્સ,વિશ્વના એક માત્ર નેતા, ટોચના નેતાઓને પાછળ છોડી દીધા
વડાપ્રધાન નરેન્દ્ર્ મોદી એક વૈશ્વિક નેતા છે એ બધા જાણે છે…વિશ્વભરમાં વસતા ભારતીયો જ નહી પરંતુ અન્ય નાગરિકો પણ તેમનાથી પ્રભાવિત છે અને તે તેમની સોશિયલ મીડિયાની રીચ ઉપરથી ખબર પડે છે. આજના દિવસે વડા પ્રધાન નરેન્દ્ર મોદી ઇન્સ્ટાગ્રામ પર ૧૦૦ મીલીયન એટલે કે 10 કરોડ ફોલોઅર્સનો આંકડો પાર કરનારા પ્રથમ રાજકારણી બન્યા છે. છેલ્લા એક દાયકામાં, તેમનું એકાઉન્ટ વિશ્વના નેતાઓમાં સૌથી વધુ આકર્ષક બની ગયું છે.
સૌથી નોંધપાત્ર વાત એ છે કે વડા પ્રધાન મોદીના ઇન્સ્ટાગ્રામ ફોલોઅર્સ અમેરિકી રાષ્ટ્રપતિ ડોનાલ્ડ ટ્રમ્પ કરતા બમણા છે. ટ્રમ્પ 43.2 મિલિયન ફોલોઅર્સ સાથે ઇન્સ્ટાગ્રામ ઉપર બીજા ક્રમે છે, ત્યારબાદ ઇન્ડોનેશિયાના રાષ્ટ્રપતિ પ્રબોવો સુબિયાન્ટો 1.5.૫ કરોડ ફોલોઅર્સ સાથે ત્રીજા ક્રમે છે. બ્રાઝિલના રાષ્ટ્રપતિ લુલા સિલ્વા 1.4 કરોડ ફોલોઅર્સ સાથે ચોથા ક્રમે છે અને તુર્કીના રાષ્ટ્રપતિ તૈયપ એર્દોગન 1.16 કરોડ ફોલોઅર્સ સાથે તેમના પછી છે. છેલ્લે, આર્જેન્ટિનાના રાષ્ટ્રપતિ જાવિઅર મેલેઈના 6.4 મિલિયન ફોલોઅર્સ છે. ફ્રાંસનાં રાષ્ટ્રપતિ ઈમ્યુનલ મેક્રો 6.1 મિલિયન ફોલોઅર્સ ધરાવે છે.
ડિસેમ્બર 2025 સુધીમાં, વડા પ્રધાન નરેન્દ્ર મોદી પસંદગીના વિશ્વ નેતાઓમાં સૌથી વધુ લોકપ્રિયતા રેટિંગ ધરાવતા હતા.
આ પણ વાંચો:ઓપરેશન મૂલ હંટ: રાજકોટ-ગોંડલ ગેંગનું સાયબર ફ્રોડ 1500 કરોડે પહોંચ્યું: તેલંગણા કનેક્શનનો ઘટસ્ફોટ, સુત્રધાર શખસ સહિત વધુ 3ની ધરપકડ
ભારતીય નેતાઓમાં કોણ વધુ ફોલોઅર્સ ધરાવે છે
ઇન્સ્ટાગ્રામ પર પીએમ મોદીના 10 કરોડ ફોલોઅર્સ તેમની વૈશ્વિક પહોંચ અને વિશ્વભરના યુવાનોમાં લોકપ્રિયતા દર્શાવે છે. ભારતમાં પણ, વડા પ્રધાન અને અન્ય રાજકારણીઓ વચ્ચે ફોલોઅર્સની સંખ્યામાં મોટો તફાવત છે. ઉત્તર પ્રદેશના મુખ્યમંત્રી યોગી આદિત્યનાથ 1.61 કરોડ ફોલોઅર્સ સાથે બીજા સ્થાને છે, જે વડા પ્રધાન મોદીથી ઘણા પાછળ છે. કોંગ્રેસના સાંસદ અને લોકસભામાં વિરોધ પક્ષના નેતા રાહુલ ગાંધી આશરે 1.26 કરોડ ફોલોઅર્સ સાથે ત્રીજા સ્થાને છે.
