દિલ્હીમાં મતદાન પહેલા થયા ખેલ : CM આતિશી અને ભાજપના ઉમેદવાર રમેશ બીધૂડીના પરિવારજનો સામે નોંધાઈ ફરિયાદ
દિલ્હીમાં વિધાનસભા ચૂંટણીનો પ્રચાર સોમવારે સાંજે સમાપ્ત થઈ ગયો હતો પરંતુ નેતાઓ અને કાર્યકરો ઘરે બેસવા તૈયાર નહોતા. આખી રાત દિલ્હીમાં ઘણી જગ્યાએ ધમાલ મચી હતી. મુખ્યમંત્રી આતિશીના બેઠક કાલકાજીમાં સૌથી વધુ હંગામો થયો હતો. પોલીસે ગોવિંદપુરી સ્ટેશન પર મુખ્યમંત્રી આતિશી, તેના સમર્થકો અને રમેશ બિધુરીના પુત્ર વિરુદ્ધ એફઆઇઆર નોંધી હટી. આ બધા સામે આચારસંહિતા ભંગનો કેસ નોંધાયો છે.
મુખ્યમંત્રી આતિશીએ સોશિયલ મીડિયા પ્લેટફોર્મ ‘X’ મોડી રાત્રે પોસ્ટ કરીને આરોપ લગાવ્યો કે, ‘ભાજપના ઉમેદવાર રમેશ બિધુરીના પરિવારના મનિષ બિધુરી અને તેમના પરિવારના ઘણાં સભ્યો ઝૂંપડપટ્ટીમાં ફરતા હતા અને આચારસંહિતાનું ઉલ્લંઘન કરી રહ્યા હતા.’ તેમણે ચૂંટણી પંચ પાસેથી કાર્યવાહીની માંગ કરી હતી. જોકે, ડીસીપી સાઉથ ઈસ્ટે આ માહિતી આપી હતી કે મનીષ બિધુરી વિરુદ્ધ આચારસંહિતાનું ઉલ્લંઘન કરવા બદલ કેસ નોંધવામાં આવ્યો છે. ત્યારબાદ આતિશીએ કહ્યું હતું કે એ રમેશના પુત્ર નહીં કોઈ બીજા જ હતા.
દિલ્હી પોલીસના જણાવ્યાનુસાર, આમ આદમી પાર્ટીના ઉમેદવાર (આતિષી) પણ 50-70 લોકો અને 10 વાહનો સાથે આચારસંહિતાનું ઉલ્લંઘન કરતા જોવા મળ્યા હતા. ચોથી ફેબ્રુઆરીએ રાત્રે કાલકાજી બેઠક પરથી આમ આદમી પાર્ટીના ઉમેદવાર 50-70 લોકો અને વાહનો સાથે ફતેહ સિંહ માર્ગ પર હતા.
