iPhone 16 ખરીદવા માટે લોકોની ઘેલછા : Apple સ્ટોરની બહાર લોકો ઉમટ્યા, રેલ્વે ટિકિટ કાઉન્ટર જેવો માહોલ
iPhone માટે લોકોની ઘેલછા દિવસેને દિવસે વધતી જાય છે. લોકો iPhone16ની નવી સીરિઝની આતુરતાથી રાહ જોઈ રહ્યા હતા જે બાદ તેઓ વેંચાણની શરૂ થવાની પણ રાહ જોઈ રહ્યા હતા તેરે આજે ભારતમાં Apple iPhone 16 સિરીઝનું વેચાણ શરૂ થઈ ગયું છે. દિલ્હી અને મુંબઈમાં એપલ સ્ટોર્સ પર લોકોની ભારે ભીડ જોવા મળી હતી. રાતથી લોકો કતારમાં ઉભા હતા. iPhone 16, iPhone 16 Plus, iPhone 16 Pro અને iPhone 16 Pro Max વેચાઈ રહ્યા છે.
Apple iPhone 16 સિરીઝનું વેચાણ શરૂ થઈ ગયું છે. ઘણા સમયથી ફોન પર ચર્ચા થઈ રહી છે. પરંતુ હવે તેની લોકપ્રિયતા ભારતમાં પણ જોવા મળી રહી છે. દિલ્હી અને મુંબઈમાં એપલ સ્ટોર્સની બહાર લાંબી લાઈનો જોવા મળી હતી. મુંબઈમાં Apple BKC અને દિલ્હીમાં Apple Saket બહાર લોકોની ભારે ભીડ છે. લોકોના હાથમાં નવો આઈફોન હતો અને તેમના ચહેરા પરની ખુશી પણ કંઈક અલગ જ હતી. લોકો ફોન ખરીદવા માટે લાઈન લગાવી હતી. Apple માર્કેટમાં iPhone 16, iPhone 16 Plus, iPhone 16 Pro અને iPhone 16 Pro Maxનું વેચાણ શરૂ થઈ ગયું છે.
મુંબઈ એપલ બીકેસી સ્ટોરની વાત કરીએ તો ગઈકાલ સાંજથી અહીં ઘણા લોકો ઉભા હતા. ભારે ભીડ જોવા મળી હતી. વાસ્તવમાં અહીં લોકો પોતાના વારો આવે તેની રાહ જોઈ રહ્યા હતા અને સાંજથી ઘણા લોકો પોતાની જગ્યા સુરક્ષિત કરવા માટે આવી ગયા હતા. સ્ટોર ખુલતાની સાથે જ લોકોનું ટોળું સ્ટોરમાં ઘુસી ગયું અને iPhone 16 ખરીદવા માટે સ્ટોરની અંદર ભારે ભીડ જોવા મળી.
ઘણા લોકો 21-21 કલાક સુધી કતારમાં ઉભા રહ્યા જેથી તેઓ iPhonesના નવા મોડલને તેમના ઘરે લઈ જવા અથવા સામાજિક વર્તુળમાં દેખાડવા માટે પ્રથમ વ્યક્તિ બની શકે. જેમણે સ્માર્ટફોનનું પ્રી-બુક કર્યું છે તેમને સેલમાં પ્રથમ તક મળે છે. લોકો iPhone 16 સિરીઝ ખરીદવા માટે એક દિવસ પહેલા એટલે કે 19મી સપ્ટેમ્બરથી લાઈનમાં રાહ જોઈ રહ્યા છે. તે બધા પહેલા પોતાની પસંદગીનો iPhone ખરીદવાની રાહ જોઈ રહ્યા છે.
રેલ્વે ટિકિટ કાઉન્ટર હોય તેવું વાતાવરણ
કતારમાં ઉભેલા આ લોકો તમને નાના શહેરનું રેલ્વે સ્ટેશન યાદ કરાવશે. આજે પણ લોકો રિઝર્વેશન કાઉન્ટર ખુલવાની રાહ જોઈને રાતભર સ્ટેશન પર સૂઈ શકે છે. બસ, લાઈનમાં ઉભેલા આ લોકો પોતાના નવા ફોન માટે હજારો રૂપિયા ખર્ચવા બેતાબ છે.
સહારનપુર, યુપીનો એક એપલ ચાહક આઈફોન 16 ખરીદવા દિલ્હી સ્ટોર પર આવ્યો હતો. પોતાની ખુશી વ્યક્ત કરતા શાકિરે કહ્યું કે તે શરૂઆતમાં ફોન ખરીદવા માટે મુંબઈ જતો હતો, પરંતુ જ્યારે તેને દિલ્હીમાં ફોન મળ્યો તો તેણે અહીંથી જ ખરીદી લીધો. શાકિર કહે છે કે તે પહેલા પણ iPhone 15 Pro Max નો ઉપયોગ કરી રહ્યો છે અને તે ચોક્કસપણે લેટેસ્ટ iPhone ખરીદે છે.
જાણો શું છે કિંમત ?
મળતી માહિતી મુજબ, iPhone 16 સિરીઝ (iphone 16) બજારમાં પાંચ રંગોમાં લૉન્ચ કરવામાં આવી છે. iPhone 16 સિરીઝ (iphone 16)ની કિંમત 79,900 રૂપિયા રાખવામાં આવી છે અને iPhone 16 Plus (iphone 16 Plus)ની કિંમત 89,900 રૂપિયા રાખવામાં આવી છે. આ સિવાય iPhone 16 Proની કિંમત 1,19,900 રૂપિયાથી શરૂ થાય છે. જ્યારે ફોન 16 Max (256GB)ની શરૂઆતી કિંમત 1,44,900 રૂપિયા છે. જો આપણે ફીચર્સની વાત કરીએ તો iPhone 16માં 6.1 ઇંચની ડિસ્પ્લે હશે. જ્યારે iPhone 16 Plusમાં 6.7 ઇંચની ડિસ્પ્લે છે.
આમાંથી, iPhone સીરીઝમાં અત્યાર સુધીની સૌથી મોટી ડિસ્પ્લે સાઈઝ 6.3 ઈંચ અને 6.9 ઈંચની હશે. જોકે, ભારતમાં એસેમ્બલ iPhone 16 અને iPhone 16 Plusની કિંમતોમાં કોઈ તફાવત નથી.
