પાકિસ્તાની સેલિબ્રિટીઝને ઝટકો : હાનિયા-માહિરા, ફવાદ-આફ્રિદી સહિતના સ્ટારના સોશિયલ મીડિયા એકાઉન્ટ ફરી બૅન

22 એપ્રિલે જમ્મુ અને કાશ્મીરના પહેલગામમાં થયેલા આતંકવાદી હુમલા બાદ ભારત અને પાકિસ્તાનના સંબંધોમાં ઘણો તણાવ જોવા મળ્યો હતો. બંને દેશો વચ્ચેના સંબંધો હજુ પણ સૌથી નીચા સ્તરે છે. ત્યારે ઘણા પાકિસ્તાની સેલિબ્રિટીઓને ફરી એકવાર ઝટકો લાગ્યો છે. તેમના સોશિયલ મીડિયા એકાઉન્ટ્સ પરનો પ્રતિબંધ હટાવ્યાના એક દિવસ પછી, ગુરુવારે ફરીથી પ્રતિબંધ લાદવામાં આવ્યો. માવરા હોકેન, યુમના ઝૈદી, હાનિયા આમિર અને ફવાદ ખાન સહિત ઘણી પાકિસ્તાની સેલિબ્રિટીઓના ઇન્સ્ટાગ્રામ અને ટ્વિટર એકાઉન્ટ્સ ફરી એકવાર બ્લોક કરવામાં આવ્યા છે.

આ પણ વાંચો : હવે તમે પોતના જ સ્કૂટર-બાઈકથી પણ પૈસા કમાઈ શકશો : સરકારે ખાનગી વાહનોનો ટેક્સી તરીકે ઉપયોગ કરવાની છૂટ આપી

ગુરુવારે સવારે માહિરા ખાન, માવરા હોકેન, યુમના ઝૈદી, હાનિયા આમિર અને ફવાદ ખાન જેવી પાકિસ્તાની સેલિબ્રિટીઓના ઇન્સ્ટાગ્રામ અને ટ્વિટર એકાઉન્ટ્સ પર પ્રતિબંધ મૂકવામાં આવ્યો છે. જોકે, સરકાર દ્વારા હજુ સુધી આ અંગે કોઈ સત્તાવાર નિવેદન જારી કરવામાં આવ્યું નથી.

આ પણ વાંચો : GSTમાં 12 ટકાનો સ્લેબ થઈ શકે છે દૂર, જાણો કઈ વસ્તુઓ થશે સસ્તી

2 જુલાઈના રોજ, સબા કમર, માવરા હોકેન, શાહિદ આફ્રિદી, અહદ રઝા મીર જેવા પાકિસ્તાની સેલિબ્રિટીઓના ઇન્સ્ટાગ્રામ એકાઉન્ટ્સ દેખાવા લાગ્યા. આ ઉપરાંત, હમ ટીવી, ARY ડિજિટલ અને હર પાલ જિયો જેવી પાકિસ્તાની યુટ્યુબ ચેનલો પણ એક્સેસ કરવામાં આવી રહી હતી. પરંતુ ગુરુવારે સવારે, આ સેલિબ્રિટીઓના ઇન્સ્ટાગ્રામ એકાઉન્ટ્સ ભારતમાં ઉપલબ્ધ નથી.

16 પાકિસ્તાની યુટ્યુબ ચેનલો પર પ્રતિબંધ

તમને જણાવી દઈએ કે પહેલગામ હુમલા પછી, પાકિસ્તાન વિરુદ્ધ ભારતના ઓપરેશન સિંદૂર દરમિયાન, ઘણી પાકિસ્તાની હસ્તીઓના સોશિયલ મીડિયા એકાઉન્ટ્સ પર પ્રતિબંધ મૂકવામાં આવ્યો હતો. પહેલગામ આતંકવાદી હુમલા પછી, ભારત સરકારે 16 પાકિસ્તાની યુટ્યુબ ચેનલો પર પ્રતિબંધ મૂક્યો હતો, જેમાં ડોન ન્યૂઝ, સમા ટીવી, એઆરવાય ન્યૂઝ અને જીઓ ન્યૂઝ જેવા નામોનો સમાવેશ થાય છે. આ ચેનલો પર ભારત વિરોધી સામગ્રી પ્રસારિત કરવાનો આરોપ છે.