જમ્મુ કાશ્મીરને રાજ્યનો દરજ્જો આપવા ઑમાર અબ્દુલ્લાની માંગ

370 મી કલમ અંગે માંગણી કરવાનું ટાળ્યું

વિધાનસભાની ચૂંટણીમાં બહુમતી મળ્યા બાદ નેશનલ કોન્ફરન્સ ના ઉપપ્રમુખ મુબારક અબ્દુલ્લાએ વિના વિલંબે જમ્મુ કાશ્મીરને રાજ્યનો દરજ્જો આપવાની માંગણી કરી હતી. જોકે તેમણે 370 મી કલમ પુનઃસ્થાપિત કરવાની માગણી કરવાનું ટાળ્યું હતું.
ઓમર અબ્દુલ્લાએ કહ્યું કે વડાપ્રધાન મોદીએ ચૂંટણીના પ્રચાર દરમિયાન જમ્મુ અને કાશ્મીરને પુર્ણ રાજ્યનો દરજ્જો આપવાનું જાહેરમાં વચન આપ્યું હતું. તેમણે કહ્યું કે વડાપ્રધાન સન્માનનીય વ્યક્તિ છે અને તેઓ તેમણે આપેલું વચન વિના વિલંબે પાલન કરી અને જમ્મુ કાશ્મીરને રાજ્યનો દરજ્જો આપશે તેવી અપેક્ષા છે.
370 મી કલમ અંગે તેમણે કહ્યું કે જે ભારતીય જનતા પક્ષે આ કલમ રદ કરી છે તેની પાસે જ તેનું પુનઃસ્થાપન કરવાની માગણી કરવી તે મૂર્ખાઈ છે. તેમણે જોકે કહ્યું કે આ કલમ પુનઃસ્થાપિત કરવી જોઈએ તેવું નેશનલ કોન્ફરન્સનું સ્ટેન્ડ કાયમ છે. તેમણે એ મુદ્દો જીવંત રાખવાની અને શક્ય તમામ પ્રયત્નો કરવાની ખાત્રી આપી હતી પણ સાથે જ કેન્દ્રમાં સત્તા પરિવર્તન ન થાય ત્યાં સુધી તે શક્ય ન હોવાનો નિર્દેશ પણ આપ્યો હતો.