હવે રૂ.3 હજારમાં 1 વર્ષ માટે ગમે ત્યાં કરી શકશો ટ્રાવેલિંગ : નીતિન ગડકરીએ વાર્ષિક FASTag પાસની કરી જાહેરાત, જાણો ક્યારથી શરૂ થશે આ સેવા

તમારું FASTag એક સ્ટીકર છે જે તમારા વાહનના વિન્ડસ્ક્રીન પર ચોંટાડવામાં આવે છે. આ સ્ટીકર રેડિયો ફ્રીક્વન્સી આઇડેન્ટિફિકેશન ટેકનોલોજી (RFID) પર કામ કરે છે. જ્યારે તમે ટોલ બૂથમાંથી પસાર થાઓ છો, ત્યારે FASTag સ્કેનર વિન્ડસ્ક્રીન પરના સ્ટીકરને સ્કેન કરે છે અને લિંક કરેલા એકાઉન્ટમાંથી આપમેળે ટોલ ટેક્સ કાપી લે છે. છેલ્લા ઘણા સમયથી ચર્ચા થતી હતી કે વર્ષિક પાસ કાઢવામાં આવી શકે છે ત્યારે આજે તમામ અટકળોનો અંત લાવતા, કેન્દ્રીય માર્ગ પરિવહન મંત્રી નીતિન ગડકરીએ આજે ​​સોશિયલ નેટવર્કિંગ સાઇટ ‘X’ દ્વારા દેશભરમાં નવા વાર્ષિક ફાસ્ટેગ પાસ બહાર પાડવાની જાહેરાત કરી. આ વાર્ષિક ફાસ્ટેગ પાસ 15 ઓગસ્ટથી ઉપલબ્ધ થશે.

વાર્ષિક FASTag પાસ

નીતિન ગડકરીએ આજે ​​સોશિયલ મીડિયા દ્વારા દેશભરમાં વાર્ષિક FASTag પાસ જાહેર કરવાની જાહેરાત કરી છે. આ વાર્ષિક પાસ માટે, વપરાશકર્તાઓએ વર્ષમાં ફક્ત એક જ વાર 3,000 રૂપિયા ખર્ચ કરવા પડશે. ત્યારબાદ આ પાસ વપરાશકર્તાને જારી કરવામાં આવશે. સરકારનું કહેવું છે કે, સક્રિય થયા પછી, આ પાસ 1 વર્ષ અથવા 200 યાત્રા માટે માન્ય રહેશે. એટલે કે, જો 200 યાત્રા સમય પહેલાં પૂર્ણ થાય છે, તો વપરાશકર્તાઓએ ફરીથી પાસ રિન્યુ કરાવવો પડશે.

15 ઓગસ્ટથી વાર્ષિક પાસ ઉપલબ્ધ થશે: નીતિન ગડકરીએ પોતાની પોસ્ટમાં જણાવ્યું હતું કે, “એક ઐતિહાસિક પહેલ તરીકે, ૩,૦૦૦ રૂપિયાનો FASTag આધારિત વાર્ષિક પાસ 15 ઓગસ્ટ, 2025  થી રજૂ કરવામાં આવી રહ્યો છે. આ પાસ સક્રિય થયાની તારીખથી એક વર્ષ માટે અથવા 200 યાત્રા સુધી, જે પણ વહેલું હોય તે માટે માન્ય રહેશે. પાસ ફક્ત આ વાહનોને જ આપવામાં આવશે: તમને જણાવી દઈએ કે આ પાસ ખાસ કરીને ફક્ત બિન- વ્યવસાયિક ખાનગી વાહનો (કાર, જીપ, વાન વગેરે) માટે બનાવવામાં આવ્યો છે. તે દેશભરના રાષ્ટ્રીય ધોરીમાર્ગો પરના વાહનો માટે લાગુ થશે. આમાં વ્યવસાયિક વાહનોનો સમાવેશ નથી.

વાર્ષિક FASTag પાસ કેવી રીતે મેળવવો

સરકાર આ વાર્ષિક પાસને બધા વપરાશકર્તાઓ માટે સરળતાથી ઉપલબ્ધ કરાવવા માટે ઝડપથી કામ કરી રહી છે. આ પાસને સક્રિય કરવા અથવા રિન્યુ કરવા માટે, હાઇવે ટ્રાવેલ એપ અને NHAI/MoRTH વેબસાઇટ્સ પર ટૂંક સમયમાં એક અલગ લિંક ઉપલબ્ધ કરાવવામાં આવશે. જેના દ્વારા વપરાશકર્તાઓ આ લિંકની મુલાકાત લઈ શકે છે અને વાર્ષિક પાસ સબમિટ કરી શકશે.

કેન્દ્રીય મંત્રીએ પોતાની પોસ્ટમાં કહ્યું કે આ નવી નીતિ ટોલ પ્લાઝા અંગે લાંબા સમયથી ચાલી આવતી ચિંતાઓને પણ સંરેખિત કરશે. 60 કિમીની ત્રિજ્યામાં સ્થિત અને એક જ સુલભ વ્યવહાર દ્વારા ટોલ ચુકવણીને સરળ બનાવશે. આ વાર્ષિક ફાસ્ટેગ પાસના ઘણા ફાયદા થવાની અપેક્ષા છે. આનાથી વપરાશકર્તાઓને વારંવાર ફાસ્ટેગ રિચાર્જ કરવાની ઝંઝટમાંથી પણ મુક્તિ મળશે.

આ પણ વાંચો : કુદરતનો ખેલ તો જુઓ! પતિ અને પત્નીના મૃતદેહે પણ ન છોડ્યો એકબીજાનો સાથ, DNA પ્રોસેસમાં પણ એકબીજાની બાજુમાં

FASTag Annul Pass પર એક નજર:

• 15 ઓગસ્ટથી શરૂ થશે

• પાસની કિંમત 3,000 રૂપિયા હશે

• 1 વર્ષ અથવા 200 યાત્રા માટે માન્ય રહેશે

• NHAI / MoRTH વેબસાઇટ્સ પરથી સક્રિય કરવામાં આવશે

• ફક્ત ખાનગી વાહનો માટે લાગુ પડશે

• ટોલ પ્લાઝા પર રાહ જોવામાં ઘટાડો થશે

• ટોલ પ્લાઝા પર વિવાદો પણ ટાળી શકાશે

વેઇટિંગનો સમય ઓછો થશે :

FASTag વાર્ષિક પાસના પ્રકાશન પછી, રાષ્ટ્રીય ધોરીમાર્ગોના ટોલ પ્લાઝા પર રાહ જોવાનો સમય પણ ઓછો થશે. આ ભીડ ઘટાડવામાં અને ટોલ પ્લાઝા પર વિવાદો દૂર કરવામાં પણ મદદ કરશે. વાર્ષિક પાસ નીતિ લાખો ખાનગી વાહન ચાલકોને ઝડપી, સરળ અને સારો મુસાફરી અનુભવ પ્રદાન કરવામાં મદદ કરશે