વોલ્ટ ડિઝનીની જેમ, નેટફ્લિક્સના એડ-ફ્રી સબ્સ્ક્રિપ્શન પ્લાન મોંઘા થઇ શકે છે. એડ્સ સાથે Netflixના સ્ટાન્ડર્ડ પ્લાનની કિંમત દર મહિને ₹ 499 છે. જ્યારે એડ ફ્રી પ્લાનની કિંમત $15.49(1289 રૂપિયા) થી શરૂ થાય છે.
Netflix એ તેના સબ્સ્ક્રાઇબર્સ માટે પાસવર્ડ-શેરિંગ સુવિધા બંધ કરી દીધી છે. આના કારણે 2023ના ત્રીજા ક્વાર્ટરમાં Netflix સબસ્ક્રાઈબર્સની સંખ્યામાં લગભગ 60 લાખ નો વધારો થયો છે. હવે એવા સમાચાર છે કે વિશ્વની સૌથી મોટી સ્ટ્રીમિંગ સર્વિસમાંથી એક Netflixના સબસ્ક્રિપ્શન પ્લાનની કિંમતમાં વધારો થઈ શકે છે.
ન્યૂઝ એજન્સીના જણાવ્યા અનુસાર, વિશ્વની એકમાત્ર નફાકારક સ્ટ્રીમિંગ સેવા Netflix આ વર્ષે વોલ્ટ ડિઝની જેવા એડ-ફ્રી પ્લાનની કિંમતોમાં વધારો કરી શકે છે. વિશ્લેષક બર્નસ્ટીન કહે છે, ‘નેટફ્લિક્સ હવે ઘણા બજારોમાં યુટિલિટી એપ જેવી છે. પરંતુ યુટિલિટી લેબલ જાળવવામાં સૌથી મોટો પડકાર એ છે કે આ મોટી કંપની તેનો ગ્રોથ કેવી રીતે ચાલુ રાખે છે.
આ મહિનાની શરૂઆતમાં એક મીડિયા રિપોર્ટમાં કહેવામાં આવ્યું હતું કે હોલીવુડ કલાકારોની હડતાળ સમાપ્ત થયા બાદ કંપની તેની યોજનાઓ મોંઘી બનાવી શકે છે.
પાંચ મહિના સુધી ચાલેલી આ હડતાળથી હોલિવૂડમાં ભારે ખળભળાટ મચી ગયો છે. ગયા અઠવાડિયે રાઇટર્સ ગિલ્ડ ઑફ અમેરિકા એ તમામ મોટા સ્ટુડિયો સાથેના નવા કરારને મંજૂરી આપી હતી.
ગયા વર્ષે (2023) શરૂ કરાયેલ Netflix એડ પ્લાનને શરૂઆતમાં ધીમો પ્રતિસાદ મળ્યો હતો. વિશ્લેષકો માને છે કે નેટફ્લિક્સ આગામી મહિનામાં વધુ સબ્સ્ક્રાઇબર્સને બીજા સ્તર પર લાવવા માટે એડ ફ્રી સબ્સ્ક્રિપ્શન પ્લાનની કિંમતમાં વધારો કરી શકે છે. આમ કરવાથી યુઝર્સ દીઠ વધુ આવક થશે.
વિશ્લેષકોનું કહેવું છે કે નોંધનીય છે કે પાસવર્ડ ક્રેકડાઉન ફીચરની રજૂઆત બાદ મોટાભાગના સબસ્ક્રાઈબર્સે એડ-ફ્રી પ્લાન પસંદ કર્યો હતો. એડ્સ સાથે Netflixના સ્ટાન્ડર્ડ પ્લાનની કિંમત દર મહિને ₹ 499 છે. જ્યારે એડ ફ્રી પ્લાનની કિંમત $15.49 થી શરૂ થાય છે.સપ્ટેમ્બરમાં પૂરા થતા ક્વાર્ટરમાં એડના સ્તરથી $188.1 મિલિયનની આવક થવાની ધારણા છે.
