મહાકુંભથી વાયરલ થયેલી મોનાલીસાએ પહેલીવાર ફ્લાઇટમાં કરી મુસાફરી : 7 સ્ટાર હોટેલમાં ડિનર, ટૂંક સમયમાં ફિલ્મોમાં જોવા મળશે
મહાકુંભમાં માળા વહેંચતી વાયરલ ગર્લ મોનાલિસાને દિગ્દર્શક સનોજ મિશ્રાએ તેમની ફિલ્મ ધ ડાયરી ઓફ મણિપુર માટે સાઇન કરી છે. આજકાલ સનોજ મિશ્રા મોનાલિસાને અભિનયની તાલીમ પણ આપી રહ્યા છે. મોનાલિસાનો એક વીડિયો વાયરલ થયો હતો. જેમાં ફિલ્મના દિગ્દર્શક તેને A B C શીખવતા જોવા મળ્યા હતા. તાજેતરમાં મોનાલિસાનો બીજો એક વીડિયો વાયરલ થયો છે. જેમાં તે ફ્લાઇટમાં મુસાફરી કરતી જોવા મળે છે. મોનાલિસાએ આજે ફિલ્મના દિગ્દર્શક સનોજ મિશ્રા સાથે ઇન્દોરથી બેંગ્લોરની પહેલી ફ્લાઇટમાં મુસાફરી કરી હતી.
તેણીએ તેના જીવનની પહેલી ફ્લાઇટ મુસાફરી તો કરી જ છે, પણ તેના ગામની ઝૂંપડપટ્ટી છોડ્યા પછી, તે આજે એક 7 સ્ટાર હોટેલમાં રોકાશે અને ત્યાં રાત્રિભોજન કરશે. આવતીકાલે મોનાલિસા કેરળમાં એક જ્વેલરી ફંક્શનમાં ભાગ લેશે, જેની તે બ્રાન્ડ એમ્બેસેડર છે. મહાકુંભમાં વાયરલ થયા પછી, સનોજ મિશ્રાએ મોનાલિસાને તેમની ફિલ્મ “ધ ડાયરી ઓફ મણિપુર” માટે સાઇન કરી ત્યારથી તે ખૂબ જ ચર્ચામાં છે. આ ફિલ્મનું શૂટિંગ ટૂંક સમયમાં શરૂ થવાનું છે. આ પહેલા, ફિલ્મના દિગ્દર્શક સનોજ મિશ્રા, મોનાલિસાને અભિનયમાં સંપૂર્ણપણે તાલીમ આપવા માંગે છે.
સનોજ મિશ્રા ફિલ્મ્સના બેનર હેઠળ બનવા જઈ રહેલી આ ફિલ્મના લેખક, નિર્માતા અને દિગ્દર્શક સનોજ મિશ્રા છે. ફિલ્મના સહ-નિર્માતાઓ સંજય ભૂષણ પટિયાલા, યામીન ખાન, જાવેદ દેવરિયાવાલે છે. આ ફિલ્મ દ્વારા રાજ કુમાર રાવના મોટા ભાઈ અમિત રાવ પણ બોલિવૂડમાં ડેબ્યૂ કરી રહ્યા છે. આ ફિલ્મના પબ્લિસિસ્ટ સંજય ભૂષણ પટિયાલા છે.
