ચમત્કાર !! મુંબઈમાં 2 વર્ષનું બાળક ત્રીજા માળેથી નીચે પટકાયું : યુવકની સતર્કતાથી બચી ગયો જીવ, વિડીયો થયો વાયરલ
ગુજરાતીમાં કહેવત છે રામ રાખે તેને કોણ ચાખે !! આવી જ એક ઘટના મુંબઈમાં સામે આવી છે. મુંબઈના ડોમ્બિવલીમાં એક યુવાનની સતર્કતાને કારણે 2 વર્ષના બાળકનો જીવ બચી ગયો. રમતા રમતા બાળક બિલ્ડિંગના ત્રીજા માળે આવેલા ઘરની બાલ્કનીમાંથી નીચે પડી ગયું. તે સમયે ત્યાં હાજર એક યુવાન ભાવેશ મ્હાત્રેએ તરત જ બાળકને જોયું અને તેને પકડવા દોડ્યો. યુવકની સતર્કતાના કારણે બાળકનો જીવ બચી ગયો હતો
બાળકને ફક્ત નાની ઇજાઓ થઈ હતી
આ ઘટનામાં, બાળક ફોર્સના કારણે નીચે પટકયો હતો અને તે મ્હાત્રેના હાથમાંથી સરકી ગયો અને પાછો પડી ગયો. જોકે, તરત જ બાળકને પકડી લેતા તેને માત્ર નાની ઈજાઓ જ થઈ. આ ઘટના રવિવારે બપોરે ડોંબિવલી (પૂર્વ) ના દેવીચાપડા વિસ્તારમાં બની હતી, જ્યાં બાળક 13 માળની ઇમારતમાં રહે છે.
રમતા રમતા, તે બાળકના ઘર પાસેના ફ્લેટની બાલ્કનીમાં પહોંચ્યો, જ્યાં રંગ લગાવવા માટે ગ્રીલનો કાચ કાઢી નાખવામાં આવ્યો હતો, જેના કારણે બાળક ખુલ્લી જગ્યા પરથી નીચે પડી ગયો. જ્યારે બાળક પડી ગયું ત્યારે ભાવેશ મ્હાત્રે બિલ્ડિંગ નીચે એક મિત્રને મળવા આવ્યો હતો. તેણે બાળકને પડતું જોયું અને તરત જ તેને બચાવવા દોડ્યો.
આ દરમિયાન, એક વ્યક્તિ તેની અને બાળકની વચ્ચે આવી ગયો, જેને મ્હાત્રેએ બાળકને પકડવા માટે દૂર ધક્કો માર્યો. મ્હાત્રેએ કહ્યું કે બાળક એટલી જોરથી પડી ગયું કે તેને પકડી રાખવા છતાં તે પડી ગયો. મ્હાત્રેએ કહ્યું કે પડવા દરમિયાન બળ ઓછું થઈ ગયું હતું અને બાળકને ફક્ત નાની ઈજાઓ થઈ હતી.
“હું ક્રિકેટ રમું છું, તેથી મને બોલ પકડવાની આદત છે અને જ્યારે મેં બાળકને પડતું જોયું, ત્યારે મારી આદતના કારણે હું તરત જ તેને બચાવવા દોડી ગયો,” મ્હાત્રેએ કહ્યું, ટાઇમ્સ ઓફ ઇન્ડિયાના અહેવાલ મુજબ. આ ઘટનાને બિલ્ડિંગમાં હાજર ઘણા લોકોએ જોઈ હતી, જેઓ મ્હાત્રેની હિંમતની પ્રશંસા કરી રહ્યા છે. બાળકના પરિવારે પણ તેમના બાળકનો જીવ બચાવવા બદલ મ્હાત્રેનો આભાર માન્યો. આ ઘટનાનો વીડિયો સોશિયલ મીડિયા પર વાયરલ થઈ રહ્યો છે.
