કિંગ કોહલીનો જબરો ફેન !! ચાલુ મેચે ગ્રાઉન્ડમાં જઈને વિરાટના પગે પડ્યો, દિલ્હી સ્ટેડિયમનો વિડીયો થયો વાયરલ

13 વર્ષના લાંબા ગાળા પછી વિરાટ કોહલીને ઘરેલુ મેચ રમતા જોવા માટે દિલ્હીના અરુણ જેટલી સ્ટેડિયમમાં મોટી સંખ્યામાં લોકો ઉમટી પડ્યા હતા. દિલ્હી અને જિલ્લા ક્રિકેટ એસોસિએશને આ માટે ખાસ વ્યવસ્થા કરી હતી, કોહલીની આ મેચને યાદગાર બનાવવા માટે, તેઓએ મફત પ્રવેશ પણ રાખ્યો હતો. જોકે, એક ચાહકે મેદાનમાં ઘૂસી ગયો હતો. આ ક્રેઝી ફેન  સામે સુરક્ષા કર્મચારીઓ કંઈ કરી શક્યા નહીં અને તે સીધો વિરાટ કોહલી પાસે ગયો. કોહલી પાસે પહોંચ્યા પછી, ચાહકે તેના પગ સ્પર્શ કર્યા. જોકે, થોડીક સેકન્ડોમાં સુરક્ષા કર્મચારીઓ ત્યાં પહોંચી ગયા અને કોહલી પાસેથી ચાહકને દૂર લઈ ગયા. આ દરમિયાન સુરક્ષા કર્મચારીઓ પણ તેમને માર મારી રહ્યા હતા, પરંતુ કોહલીએ તેમને આમ કરતા અટકાવ્યા. આ ઘટનાનો વીડિયો સોશિયલ મીડિયા પર ઝડપથી વાયરલ થઈ રહ્યો છે.

A fan trespassed all security to touch the feet of Virat Kohli in the Ranji game at Arun Jaitley Stadium.

Don't really appreciate fans doing such gimmicks. Poses a security threat and they also fall into trouble.pic.twitter.com/lnEUuxN8h6

— Sameer Allana (@HitmanCricket) January 30, 2025

એવું કહેવામાં આવી રહ્યું છે કે વિરાટ કોહલીને જોવા માટે ચાહકો સવારે 3 વાગ્યાથી જ સ્ટેડિયમની બહાર લાઇનો લગાવવા લાગ્યા હતા. સ્ટેડિયમના દરવાજા ખૂલ્યા ત્યાં સુધીમાં સ્ટેડિયમની બહાર મોટી ભીડ એકઠી થઈ ગઈ હતી. લગભગ 10 હજાર ચાહકો આ મેચ જોવા માટે આવ્યા હશે. આ માટે કોઈપણ પ્રકારની ટિકિટની જોગવાઈ નથી. ફક્ત તમારું આધાર કાર્ડ બતાવીને જ તમને પ્રવેશ મળશે. રણજી મેચ માટે ચાહકોમાં આટલો ક્રેઝ તમે પહેલાં ક્યારેય નહીં જોયો હોય.

દિલ્હીના અરુણ જેટલી સ્ટેડિયમની બહાર પહોંચેલા ચાહકોના ઘણા વીડિયો સામે આવ્યા છે, જેમાં ચાહકો RCB…RCB… ના નારા લગાવતા જોવા મળે છે. આ ઉપરાંત, એક વીડિયોમાં એવો પણ દાવો કરવામાં આવ્યો છે કે વિરાટ કોહલીની મેચ જોવા માટે ઘણા સો મીટરની કતાર લાગી હતી.

IPLમાં આવા દ્રશ્યો ઘણી વખત જોવા મળ્યા છે

તમને જણાવી દઈએ કે,  આ પહેલી વાર નથી કે કોઈ ચાહક મેચ દરમિયાન વિરાટ કોહલી અથવા તેના મનપસંદ ક્રિકેટરોને મળવા માટે મેદાનમાં ઘૂસી આવ્યો હોય, આવા દ્રશ્યો ઘણીવાર જોવા મળે છે. IPLમાં આવા દ્રશ્યો ઘણી વખત જોવા મળ્યા છે, જ્યારે ચાહકો સુરક્ષા ઘેરો તોડીને વિરાટ કોહલીને મળવા આવ્યા હોય છે.

 વિરાટ કોહલીની 13 વર્ષ બાદ રણજી ટ્રોફીમાં વાપસી

નોંધનીય છે કે, વિરાટ કોહલીની 13 વર્ષ બાદ રણજી ટ્રોફીમાં વાપસી થઈ છે. આ પહેલા કોહલીએ ટુર્નામેન્ટની છેલ્લી મેચ નવેમ્બર 2012માં રમી હતી. હવે ચાહકો રેલવે સામેની મેચમાં કોહલીની બેટિંગ જોવા માટે ખૂબ જ ઉત્સાહિત દેખાઈ રહ્યા છે.