કે. કવિતાની જેલમાં તબિયત બગડતાં હોસ્પિટલ ખસેડાયા

દિલ્હી એક્સાઇઝ કેસમાં તિહાર જેલમાં બંધ તેલંગાણાના પૂર્વ મુખ્યમંત્રી કેસીઆરની પુત્રી કવિતાની મંગળવારે અચાનક તબિયત બગડી હતી. તિહાર પ્રશાસન તરત જ એક્શન મોડમાં આવ્યું હતું અને કે કવિતાને દિલ્હીની ડીડીયુ હોસ્પિટલમાં દાખલ કરાયા હતા.

બીઆરએસ નેતા કે કવિતાની આ વર્ષે 15 માર્ચે ધરપકડ કરવામાં આવી હતી. છ દિવસ બાદ એન્ફોર્સમેન્ટ ડિરેક્ટોરેટે દિલ્હી એક્સાઇઝ પોલિસી કેસ સંબંધિત મની લોન્ડરિંગ કેસમાં દિલ્હીના મુખ્યમંત્રી અરવિંદ કેજરીવાલની ધરપકડ કરી હતી.

જો કે એ સ્પષ્ટ થયું નહતું કે તેને હોસ્પિટલમાં શા માટે લઈ જવામાં આવ્યા હતા. કવિતાની અગાઉ એન્ફોર્સમેન્ટ ડિરેક્ટોરેટ દ્વારા ધરપકડ કરવામાં આવી હતી. બીજા મહિને સીબીઆઈએ તેની ધરપકડ કરી હતી. હાલ તે તિહાર જેલમાં બંધ છે.