મહાકુંભથી પાછા આવતા JMMનાં સાંસદ મહુઆ માંઝીને નડ્યો અકસ્માત : ગંભીર રીતે ઘાયલ
ઝારખંડ મુક્તિ મોરચાના રાજ્યસભા સાંસદ મહુઆ માંઝી રોડ અકસ્માતમાં ઘાયલ થયા હતા. તેઓ મહાકુંભમાંથી પરત ફરી રહ્યા હતા. લાતેહારના હોટવાગ ગામમાં તેમની કારનો અકસ્માત થયો હતો જેમાં વાહનનો આગળનો ભાગ ક્ષતિગ્રસ્ત થયો હતો અને મહુઆ માંઝી ગંભીર રીતે ઘાયલ થયા હતા.
આ ઘટના બુધવારે સવારે લગભગ 4 વાગ્યે નેશનલ હાઈવે-39 પર બની હતી. મહુઆ માંઝી મહાકુંભમાં સ્નાન કરીને પ્રયાગરાજથી પરત ફરી રહ્યા હતા ત્યારે રસ્તામાં તેમની કારનો અકસ્માત થયો હતો.
માંઝીને પ્રાથમિક સારવાર માટે સદર હોસ્પિટલમાં દાખલ કરવામાં આવ્યા હતા અને બાદમાં વધુ સારી સારવાર માટે રાંચી રિમ્સમાં રિફર કરવામાં આવ્યા હતા. માંઝી હિન્દીના મહાન સાહિત્યકારોમાંથી એક છે. તેમજ સમાજ સેવાના ક્ષેત્રમાં જાણીતું નામ છે. તેમને હેમંત સોરેનના પરિવારની નજીક ગણવામાં આવે છે અને લાંબા સમયથી જેએમએમ મહિલા મોરચાના પ્રમુખ છે.
