હમાસના અનેક ઠેકાણા કર્યા તબાહ, ટેન્કો સાથે થોડોક સમય હુમલા કરીને સૈનિકો પાછા ફર્યા, અનેક આતંકીઓ માર્યા ગયા
ઇઝરાયલે ભલે હજુ સુધી ગાઝા પટ્ટી પર જમીની આક્રમણ કરવાની મંજૂરી આપી નથી પણ તેના કેટલાક સૈનિકોએ સીમા પર જઈને કહેર વાર્તાવ્યો હતો અને હુમલા કર્યા હતા જેમાં હમાસના અનેક ઠેકાણા તબાહ થયા હતા. અનેક આતંકીઓ માર્યા ગયા હોવાનો પણ ઇઝરાયલે દાવો કર્યો હતો. જો કે હજુ હમાસે કોઈ પ્રતિક્રિયા આપી નથી. ઇઝરાયલના સૈનિકો ટેન્કો લઈને ત્રાટક્યા હતા. ભારે બૉંબમારો પણ કર્યો હતો.
જો કે થોડાક સમય માટે હુમલા કર્યા બાદ ઇઝરાયલ સેના પાછી પોતાના મૂલસ્થાને આવી ગઈ હતી. બીજી બાજુ લેબેનોન પર પણ ઇઝરાયલના હુમલા ચાલુ રહ્યા હતા. જેમાં હિઝબુલ્લાહના બે કમાન્ડર માર્યા ગયા હતા.
ઈઝરાયલી સેના રેડિયોએ હમાસ સાથેના જારી યુદ્ધ વચ્ચે તેને સૌથી મોટી ઘૂસણખોરી ગણાવી છે. સેનાએ આ કાર્યવાહીનો વીડિયો જારી કર્યો છે. તેમાં જોઈ શકાય છે કે કેવી રીતે ઈઝરાયલી સૈનિકો બખ્તરિયા વાહનો સાથે ગાઝા સરહદમાં પ્રવેશ્યા અને અહીં ટેન્કથી હમાસના અનેક ઠેકાણે બોમ્બમારો કર્યો. તેમાં એન્ટી ટેન્ક મિસાઈલ લોન્ચ પોસ્ટ પણ સામેલ હતી.
ઈઝરાયલના હુમલામાં અનેક નષ્ટ થઈ ચૂકેલી ઈમારતો દેખાઈ રહી છે. હુમલાને અંજામ આપ્યા બાદ ઈઝરાયલી ટેન્કો પરત આવી ગઇ હતી. સેનાએ નિવેદનમાં કહ્યું કે આ ઘૂસણખોરી લડાઈના આગામી તબક્કાની તૈયારી માટે હતી. આ ઈઝરાયલી સેના દ્વારા હમાસને નષ્ટ કરવાનો સંદેશ હતો. જોકે હમાસે આ મામલે અત્યાર સુધી કોઈ ટિપ્પણી નથી કરી.
