IPL 2026નો કાર્યક્રમ જાહેર: પહેલો મેચ ચિન્નાસ્વામી સ્ટેડિયમ ખાતે રોયલ ચેલેન્જર્સ બેંગ્લુરૂ અને સનરાઈઝર્સ હૈદરાબાદ વચ્ચે રમાશે
ભારતીય ક્રિકેટ કંટ્રોલ બોર્ડે આઈપીએલના પ્રથમ તબક્કાના 28 માર્ચથી 12 એપ્રિલ સુધીના કાર્યક્રમની જાહેરાત કરી છે. જોકે હાલમાં માત્ર પ્રથમ તબક્કાનો કાર્યક્રમ જ જાહેર થયો છે, જેમાં 15 દિવસ દરમિયાન કુલ 20 રોમાંચક મેચો રમાશે.
સીઝનની શરૂઆત 28 માર્ચના રોજ બેંગલુરુના એમ. ચિન્નાસ્વામી સ્ટેડિયમ ખાતે રોયલ ચેલેન્જર્સ બેંગલુરુ અને સનરાઈઝર્સ હૈદરાબાદ વચ્ચેના મુકાબલાથી થશે. મુંબઈ ઈન્ડિયન્સ તેનો પ્રથમ મેચ 29 માર્ચે કોલકાતા સામે રમશે, જ્યારે ચેન્નાઈ સુપર કિંગ્સ 30 માર્ચે ગુવાહાટીમાં મેદાનમાં ઉતરશે. ગુજરાત ટાઇટન્સ 31 માર્ચે પંજાબ કિંગ્સ સામે ટકરાશે.
🚨 News 🚨
— IndianPremierLeague (@IPL) March 11, 2026
Presenting the schedule for the first 20 matches of #TATAIPL 2026, to be played from March 28 to April 12, 2026 🗓️
Full schedule will be announced once poll dates are announced for three states set to undergo State Assembly elections.
More details ▶️… pic.twitter.com/8Iq492v8TE
આ સીઝનનો પહેલો ડબલ હેડર 4 એપ્રિલ, શનિવારે રમાશે. દિવસનો પહેલો મેચ દિલ્હી કેપિટલ્સ અને મુંબઈ ઇન્ડિયન્સ વચ્ચે બપોરે 3 વાગ્યે શરૂ થશે. ત્યારબાદ ગુજરાત ટાઇટન્સ સાંજે રાજસ્થાન રોયલ્સ સામે ટકરાશે.
રવિવાર 12 એપ્રિલના રોજ બે મેચ રમાશે. પહેલી મેચ સનરાઇઝર્સ હૈદરાબાદ અને એલએસજી વચ્ચે બપોરે 3 વાગ્યે શરૂ થશે. ત્યારબાદ આરસીબી અને સીએસકે વચ્ચે સાંજે 7 વાગ્યે મુકાબલો થશે. હાલમાં શેડ્યૂલ 12 એપ્રિલ સુધી ઉપલબ્ધ છે, જેમાં મુંબઈ ઇન્ડિયન્સ અને આરસીબી મુંબઈમાં ટકરાશે.
આઈપીએલની બધી 10 ટીમો પહેલા 5 દિવસમાં પોતાનો પહેલો મુકાબલો રમશે. ત્યારબાદ બધી ટીમો માટે બીજા રાઉન્ડની મેચો 2 એપ્રિલથી શરૂ થશે. 15 દિવસના શેડ્યૂલમાં 10 સ્થળોએ મેચો યોજાશે. કોલકાતા અને ગુવાહાટી મહત્તમ સંખ્યામાં મેચોનું આયોજન કરશે, જેમાં દરેક સ્થળે 3 મેચ રમાશે, જ્યારે બાકીના સ્થળોએ 2-2 મેચ યોજાશે.
બીજા તબક્કાનું શેડ્યૂલ પણ આવતા અઠવાડિયા સુધીમાં જાહેર થવાની અપેક્ષા છે. બીસીસીઆઈએ કહ્યું હતું કે રાજ્યોની વિધાનસભાની ચૂંટણીનો કાર્યક્રમ જાહેર થયા પછી સંપૂર્ણ શેડ્યૂલ જાહેર કરવામાં આવશે. ⚏
