IPL 2025 viewership record: RCBના વિનિંગ મોમેન્ટે રચ્યો ઇતિહાસ, પંજાબ-બેંગલુરુ ફાઈનલ સૌથી વધુ જોવાયેલી T20 મેચ બની
આ વર્ષે IPLમાં RCBએ ન માત્ર કપ જીત્યો છે પરંતુ લાખો ફેન્સના દિલ પણ જીતી લીધા છે. IPL 2025 માં, જ્યારે રોયલ ચેલેન્જર્સ બેંગ્લોર (RCB) એ પ્રથમ વખત ટાઇટલ જીતીને પોતાનું વર્ષો જૂનું સ્વપ્ન પૂર્ણ કર્યું, ત્યારે દર્શકોના ક્રેઝે વ્યૂઅરશીપના બધા રેકોર્ડ તોડી નાખ્યા છે. IPL 2025 માં દર્શકોની સંખ્યાના ઘણા રેકોર્ડ બન્યા છે. આ ટુર્નામેન્ટ 840 અબજ મિનિટ સુધી જોવામાં આવી હતી. તે જ સમયે, RCB vs PBKS વચ્ચેની IPL ફાઇનલ સૌથી વધુ જોવાયેલી T20 મેચ બની. BARC (બ્રોડકાસ્ટ ઓડિયન્સ રિસર્ચ કાઉન્સિલ) ના ડેટામાં આ વાત સામે આવી છે.
JioStar દ્વારા જાહેર કરાયેલા સત્તાવાર આંકડા મુજબ, આ સિઝનને ટીવી અને ડિજિટલ પ્લેટફોર્મ પર કુલ 840 અબજ મિનિટ જોવામાં આવી હતી. એકંદરે, 1 અબજથી વધુ દર્શકોએ કોઈને કોઈ સ્વરૂપમાં ટુર્નામેન્ટનો આનંદ માણ્યો હતો.
T20 ઇતિહાસમાં સૌથી વધુ જોવાયેલી મેચ
તે જ સમયે, 3 જૂન, 2025 ના રોજ RCB અને પંજાબ કિંગ્સ વચ્ચે રમાયેલી ફાઇનલ મેચ T20 ઇતિહાસમાં સૌથી વધુ જોવાયેલી મેચ બની હતી. આ ફાઇનલ 31.7 અબજ મિનિટ જોવામાં આવી હતી. તેને ફક્ત ટીવી પર 169 મિલિયન (16.9 કરોડ) દર્શકોએ જોઈ હતી. 892 મિલિયન વિડિઓ વ્યૂઝ અને ડિજિટલ પર 5.5 કરોડની ટોચની વ્યૂઅરશિપ નોંધાઈ હતી.
This isn’t just celebrations, it’s tears, hugs and screams.
— Royal Challengers Bengaluru (@RCBTweets) June 3, 2025
This is what belief finally looks like. ❤️
pic.twitter.com/5Fh01Wep0U
JioHotstar એ ગયા વર્ષ કરતાં 29% વધુ ડિજિટલ વ્યૂઅરશિપ નોંધાવી હતી, ખાસ કરીને બિગ સ્ક્રીન ડિવાઇસ પર, જ્યારે સ્ટાર સ્પોર્ટ્સે ટેલિવિઝન પર 456 અબજ મિનિટનું લાઇવ કવરેજ આપ્યું હતું, જે કોઈપણ IPL સીઝન માટે અત્યાર સુધીનું સૌથી વધુ છે.
આ પણ વાંચો : PM મોદીના વતન વડનગરમાં ઉજવાશે રાજ્યકક્ષાનો 11મો આંતરરાષ્ટ્રીય યોગ દિવસ : જાણો શું છે યોગ દિવસની થીમ
JioStar ના CEO સંજોગ ગુપ્તાએ કહ્યું – આ અદ્ભુત આંકડા સ્પષ્ટપણે દર્શાવે છે કે ચાહકો IPL ને કેટલો પ્રેમ કરે છે. આ વખતે અમે દરેક પ્રકારના દર્શકોને કંઈક અલગ અને ખાસ આપવાનો પ્રયાસ કર્યો, પછી ભલે તે પહેલી વાર દર્શકો હોય કે દરેક બોલની રાહ જોતા ઉત્સાહી ચાહકો… IPL 2025 સીઝનની મધ્યમાં થોડા દિવસો માટે રોકી દેવામાં આવ્યું હતું, પરંતુ ચાહકોનો ઉત્સાહ ઓછો થયો ન હતો. શરૂઆતના સપ્તાહના અંતે જ 49.5 અબજ મિનિટની દર્શકોની સંખ્યા નોંધાઈ હતી, જે IPL ઇતિહાસમાં અત્યાર સુધીનો સૌથી મોટો ઓપનિંગ સપ્તાહનો હતો.
