‘ભારતનો દુશ્મન’ અમ્પાયર !! પર્થ ટેસ્ટ દરમિયાન કે. એલ રાહુલની વિકેટ પર હંગામો, આ હેશટેગ ટ્રેન્ડ કરવા લાગ્યો

ભારતીય ક્રિકેટ ટીમ ઓસ્ટ્રેલિયાના પ્રવાસે છે, જ્યાં તે યજમાન ટીમ સામે પાંચ મેચની ટેસ્ટ સીરિઝ રમી રહી છે. બંને ટીમો વચ્ચે ટેસ્ટ સીરિઝની પ્રથમ મેચ પર્થના ઓપ્ટસ સ્ટેડિયમમાં ચાલી રહી છે. આ મેચમાં ભારતીય ટીમના કાર્યકારી કેપ્ટન જસપ્રિત બુમરાહે ટોસ જીતીને પ્રથમ બેટિંગ કરવાનો નિર્ણય લીધો હતો.

Australia being Australia, the third umpire always seems to favor them.

KL Rahul was clearly not out.#BorderGavaskarTrophy #KLRahul pic.twitter.com/DhbnGS8GHb

— Upsc Civil Services Exam (@UpscforAll) November 22, 2024

રાહુલની વિકેટ પર હંગામો, પ્રશંસકોએ આ અમ્પાયરને યાદ કર્યા

પ્રથમ દાવમાં ભારતીય બેટ્સમેનો પાસેથી મજબૂત પ્રદર્શનની અપેક્ષા રાખવામાં આવી હતી, પરંતુ તે થઈ શક્યું નહીં. પ્રથમ દાવમાં ભારતીય ટીમ માત્ર 150 રન પર જ સિમિત રહી હતી. જોકે ઓપનર બેટ્સમેન કેએલ રાહુલ વિવાદાસ્પદ રીતે આઉટ થયો હતો. રાહુલ મિચેલ સ્ટાર્કના બોલ પર વિકેટકીપર એલેક્સ કેરીના હાથે કેચઆઉટ જાહેર થયો હતો. જો કે, ઓન ફિલ્ડ અમ્પાયરે રાહુલને આઉટ આપ્યો ન હતો, જેના પછી ઓસ્ટ્રેલિયન ટીમે ડીઆરએસ લીધું હતું.

Clear cheating with KL Rahul-
– It was bat hitting pads.
– There was no connection with ball.
– No hotspot used for confirmation.
– 3rd Umpire straightway given out without any evidence,
even when Umpire decision was not out.#INDvsAUS#KLRahul #BorderGavaskarTrophy pic.twitter.com/BBb5HHjW55

— cricbuzz.5k 🎯 (@goat_rohit45) November 22, 2024

બેટ પેડ સાથે અથડાવાને કારણે સ્નિકો પર સ્પાઇક દેખાયો કે બેટ બોલને અથડાવાને કારણે તે સ્પષ્ટ ન હતું. થર્ડ અમ્પાયર રિચર્ડ ઈલિંગવર્થ (ઈંગ્લેન્ડ)એ પણ નિર્ણય આપવામાં ઉતાવળ કરી. અંતિમ નિર્ણય આપતા પહેલા વધુ એંગલથી જોઈ શકાયું હોત. રાહુલ (26 રન)નું આઉટ થવું ભારતીય ટીમ માટે મોટો ફટકો હતો કારણ કે તે પહેલાથી જ ક્રિઝ પર સેટ હતો.

Richard Illingworth is making sure that Indians will not miss Steve Bucknor.

KL Rahul is robbed in daylight.What you will do with 4K quality if you can't produce one correct decision. pic.twitter.com/o945Dnm17u

— Sujeet Suman (@sujeetsuman1991) November 22, 2024

કેએલ રાહુલના આઉટ થવાથી ચાહકોને ભૂતપૂર્વ અમ્પાયર સ્ટીવ બકનરની યાદ અપાવી. એક પ્રશંસકે લખ્યું, ‘રિચર્ડ ઇલિંગવર્થ એ સુનિશ્ચિત કરી રહ્યા છે કે ભારતીયો સ્ટીવ બકનરને મિસ ન કરે. પ્રશંસકોએ રાહુલના સમર્થનમાં અન્ય ઘણી ટ્વિટ પણ કરી હતી. 2007-8ના ઓસ્ટ્રેલિયન પ્રવાસ દરમિયાન સ્ટીવ બકનરે કેટલાક એવા નિર્ણયો લીધા હતા જેણે ભારતીય ટીમને ચોંકાવી દીધી હતી. બકનરને એક સમયે ભારતીય ટીમ માટે દુશ્મન અમ્પાયર માનવામાં આવતો હતો, આજે મેચ દરમિયાન તે ફરી એકવાર ટ્રેન્ડ કરવા લાગ્યો

No matter how much technology is used in Cricket, till humans are there in decision making, mistakes will keep happening.

Poor call from Third Umpire against KL Rahul.

Even Steve Buckner in the Sydney Test wouldn't have given that LBW out. Terrible DRS.#BGT2025 #INDvsAUS pic.twitter.com/Tf9W1x2GhK

— Harsha k (@Harshku1993) November 22, 2024

તમને જણાવી દઈએ કે સ્ટીવ બકનરે પોતાના અમ્પાયરિંગ કરિયર દરમિયાન ઘણી વખત માસ્ટર બ્લાસ્ટર સચિન તેંડુલકરને ખોટી રીતે આઉટ આપ્યો હતો. 2003ની ગાબા ટેસ્ટમાં, સચિન તેંડુલકરને જેસન ગિલેસ્પીની બોલિંગ પર બકનર દ્વારા LBW આઉટ કરવામાં આવ્યો હતો, જ્યારે બોલ સ્પષ્ટ રીતે સ્ટમ્પથી ચૂકી ગયો હતો. વર્ષ 2005માં કોલકાતા ટેસ્ટમાં રઝાક બકનરના હાથે કેચ આઉટ થયો હતો જ્યારે સચિન બોલને ફટકાર્યો નહોતો. જો આપણે બકનરની વાત કરીએ તો તેની ગણતરી વિશ્વના શ્રેષ્ઠ અમ્પાયરોમાં થતી હતી, તેણે 1992 થી 2007 સુધીના તમામ ODI વર્લ્ડ કપ ફાઇનલમાં અમ્પાયરિંગ કર્યું હતું. બકનરે 128 ટેસ્ટ અને 182 વનડે મેચોમાં અમ્પાયરિંગ કર્યું હતું.

પર્થ ટેસ્ટમાં ભારતીય ટીમના પ્લેઇંગ 11 : કેએલ રાહુલ, યશસ્વી જયસ્વાલ, દેવદત્ત પડિકલ, વિરાટ કોહલી, ઋષભ પંત (વિકેટકીપર), ધ્રુવ જુરેલ, નીતિશ કુમાર રેડ્ડી, વોશિંગ્ટન સુંદર, હર્ષિત રાણા, જસપ્રિત બુમરાહ (કેપ્ટન), મોહમ્મદ સિરાજ.

પર્થ ટેસ્ટમાં ઓસ્ટ્રેલિયાના પ્લેઇંગ 11: ઉસ્માન ખ્વાજા, નાથન મેકસ્વીની, માર્નસ લાબુશેન, સ્ટીવ સ્મિથ, ટ્રેવિસ હેડ, મિચેલ માર્શ, એલેક્સ કેરી (વિકેટ-કીપર), પેટ કમિન્સ (કેપ્ટન), મિચેલ સ્ટાર્ક, નાથન લિયોન, જોશ હેઝલવુડ.