ભારતની સૌથી મોટી કાર ઉત્પાદક કંપની પર ઇન્કમ ટેક્સ વિભાગની કાર્યવાહી: અધધધ..₹5786 કરોડની નોટિસ,જાણો શું છે મામલો
ભારતની સૌથી મોટી કાર ઉત્પાદક કંપની મારુતિ સુઝુકીને ઇન્કમ ટેક્સ વિભાગ તરફથી FY23 માટે ₹5,786 કરોડ ની ટેક્સ ડિમાન્ડ નોટિસ મળી છે.આ ડ્રાફ્ટ અસેસમેન્ટ ઓર્ડર કંપનીની આવક અને ખર્ચમાં ડિસઅલાઉન્સને કારણે છે. જોકે, કંપની આ નોટિસ સામે ડિસ્પ્યુટ રિઝોલ્યુશન પેનલ સમક્ષ અપીલ કરશે તેવું જણાવાયું છે.
પ્રાપ્ત થતી માહિતી અનુસાર, નાણાકીય વર્ષ 2022-23 માટે કંપનીએ જાહેર કરેલી આવક અને ટેક્સ વિભાગની ગણતરીમાં તફાવત જોવા મળ્યો છે. ટેક્સ ઓથોરિટીએ કંપનીની રિટર્ન ઇન્કમમાં આશરે ₹57,864 મિલિયન (₹5,786 કરોડ) ના ઉમેરા કે અસ્વીકારનો પ્રસ્તાવ મૂક્યો છે. જોકે, કંપનીએ સ્પષ્ટ કર્યું છે કે તેઓ આ ઓર્ડર સામે વાંધો ઉઠાવશે અને તેનાથી કંપનીની કામગીરી કે નાણાકીય સ્થિતિ પર કોઈ નકારાત્મક અસર પડશે નહીં.
આ ઘટનાક્રમ પછી શેરબજારમાં કંપનીના શેર ઉપર કોઈ અસર પડી નથી. આ જ બતાવે છે કે, રોકાણકારોને કંપનીના મજબૂત ફંડામેન્ટલ્સ અને વિવાદ ઉકેલવાની ક્ષમતા પર પૂરો ભરોસો છે.
ટેક્સની નોટિસ ભલે મોટી હોય, પણ મારુતિની બજારમાં પકડ અને મજબૂત વેચાણના આંકડાઓ જોઈને રોકાણકારો ડરવાને બદલે ખરીદી કરી રહ્યા છે. કંપની આ વિવાદને કેવી રીતે ઉકેલે છે તેના પર હવે બજારની નજર રહેશે.
