એક છો તો સેઈફ છો : નરેન્દ્ર મોદી

દુનિયાની કોઈ તાકાત 370 કલમને વાપસી નહીં કરાવી શકે, મહારાષ્ટ્રના ધુલેમાં વડાપ્રધાનની જંગી જાહેરસભા

વડાપ્રધાન નરેન્દ્ર મોદી આજે મહારાષ્ટ્રના પ્રવાસે હતા અને તેમણે ધુળેમાં ચૂંટણી રેલીને સંબોધી હતી. અહીં તેમણે મહાવિકાસ આઘાડી પર જોરદાર પ્રહારો કર્યા છે. તેમણે કહ્યું કે કેટલાક લોકોની રાજનીતિનો આધાર માત્ર લૂંટ છે. મહાવિકાસ આઘાડીના વાહનમાં માત્ર ડ્રાઈવર સીટ માટે જ લડાઈ છે. તેની કારમાં ન તો વ્હીલ છે કે ન તો બ્રેક્સ.

વડાપ્રધાને કહ્યું કે કાશ્મીરમાં બાબા સાહેબનું જ બંધારણ ચાલશે. કાશ્મીરમાં 370ની કલમ ક્યારેય પાછી નહીં આવે. આ લોકો અલગાવવાદીઓની ભાષા બોલી રહ્યા છે. 370ની કલમે જમ્મુ કાશ્મીરમાં ભાગલા કર્યા હતા. તેમણે કહ્યું કે એક છો તો સેફ છો. તેમણે આરોપ લગાવ્યો કે કોંગ્રેસે આતંકવાદને સંરક્ષણ આપ્યું હતું. આ દેશને તોડવાની સાજીશ છે.

નરેન્દ્ર મોદીએ કહ્યું કે મહારાષ્ટ્રમાં જરૂરી સુશાસન માત્ર મહાયુતિ સરકાર જ આપી શકે છે. બીજી તરફ મહા આઘાડીના વાહનમાં વ્હીલ, બ્રેક નથી અને ડ્રાઇવર સીટ પર કોણ બેસશે તેની ચર્ચા ચાલી રહી છે. અમારા જેવા લોકો પ્રજાની સેવા કરવા રાજકારણમાં આવ્યા છે, જ્યારે અન્યનો રાજકારણમાં આવવાનો એક જ ઈરાદો છે અને તે છે પ્રજાને લૂંટવાનો. આવા લોકો વિકાસના કામો અટકાવે છે કારણ કે તેઓ દરેક પ્રોજેક્ટમાં ભ્રષ્ટાચાર આચરે છે.

વડા પ્રધાને કહ્યું હતું કે ‘વિકસિત મહારાષ્ટ્ર’ અને વિકસિત ભારત માટે, આપણી મહિલાઓને સશક્ત બનાવવી અને તેમનું જીવન સરળ બનાવવું ખૂબ જ મહત્વપૂર્ણ છે. જ્યારે મહિલાઓ આગળ વધે છે ત્યારે સમાજ ઝડપથી આગળ વધે છે. મેં મહિલા સશક્તિકરણ માટે તમામ અવરોધો દૂર કર્યા છે. મહારાષ્ટ્રની મહાયુતિ સરકાર કેન્દ્ર સરકારના વિઝનને આગળ ધપાવી રહી છે.

નરેન્દ્ર મોદીએ કહ્યું,હતું કે, “જ્યારે પણ મેં મહારાષ્ટ્ર પાસેથી સમર્થન માંગ્યું છે, લોકોએ હંમેશા ઉદારતાથી તેમના આશીર્વાદ આપ્યા છે. 2014ની વિધાનસભાની ચૂંટણી દરમિયાન હું ધુલે આવ્યો હતો અને ભાજપની જીત માટે વિનંતી કરી હતી અને તમે બધાએ ભાજપની સફળતા સુનિશ્ચિત કરીને તેને સાકાર કરી હતી. પીએમ મોદીએ જાહેરાત કરી હતી કે મહિલાઓની સુરક્ષા વધારવા અને રોજગારીની તકો ઊભી કરવા માટે મહાયુતિ સરકાર પોલીસ દળમાં 25,000 મહિલાઓની ભરતી કરશે. તેમણે કોંગ્રેસના નેતૃત્વવાળી MVAની પણ ટીકા કરી હતી. તેણે દાવો કર્યો કે તે મહારાષ્ટ્રમાં ગર્લ ચાઈલ્ડ સ્કીમ રદ્દ કરશે.

તેમણે કોંગ્રેસ પર જાતિઓમાં ભાગલા પાડવાનો પ્રયાસ કરવાનો આરોપ લગાવ્યો. તેમણે દાવો કર્યો હતો કે પાર્ટી અનુસૂચિત જાતિ, આદિવાસીઓ અને અન્ય પછાત સમુદાયોની પ્રગતિને સહન કરી શકે નહીં. તેમણે આક્ષેપ કર્યો હતો કે આ સંઘર્ષને પ્રોત્સાહન આપવા અને આ સમુદાયોના વિકાસને નબળો પાડવાની કોંગ્રેસની વ્યૂહરચનાનો એક ભાગ છે.