અમેરિકામાં કેવી દર્દનાક મોતની સજા અપાઈ ? વાંચો
- કોને અપાઈ છે સજા ?
- મર્ડર કોણે કરાવ્યું ?
અમેરિકામાં પણ હવે દર્દનાક મોતની સજા કરવાની શરૂઆત થઈ ગઈ છે. અહીં અલાબામા રાજ્યમાં રહેતા એક ગુનેગારને મોતની એવી સજા આપવામાં આવી છે, જેની દુનિયાભરમાં ચર્ચા થઈ રહી છે. અલબામામાં ફેડરલ જજે આ વ્યક્તિને નાઈટ્રોજન ગેસ દ્વારા મૃત્યુદંડને મંજૂરી આપી હતી. જો અદાલતના આ નિર્ણયને રોકવામાં નહીં આવે તો આ આધુનિક અમેરિકાના ઈતિહાસની સૌથી પહેલી ક્રૂર સજા ગણાશે. જો કે તેનો વિરોધ શરૂ થઈ ગયો છે. વ્યકિલોએ પણ નારાજી દર્શાવી છે.
આ સજા જેને અપાઈ છે તેનું નામ કેનેથ યુજિન સ્મિથ છે. તેના પર વર્ષ 1988માં કોઈ પાદરીના કહેવાથી એક મહિલાની હત્યાનો આરોપ છે. આ મહિલા એટલે બીજું કોઈ નહીં પણ એ પાદરીની પત્ની જ હતી. તેનું નામ એલિઝાબેથ સેનેટ હતું. પાદરીએ સેનેટની હત્યા કરવા સ્મિથને સોપારી આપી હતી, જેને આ હત્યા કરવા એક હજાર ડૉલર મળ્યા હતા.
યુજિન સ્મિથે મૃત્યુદંડની સજાને ઉચ્ચ અદાલતમાં પડકારી હતી, પરંતુ યુએસ ડિસ્ટ્રિકટ જજ આર. ઓસ્ટિન હફેકરે 25 જાન્યુઆરીએ નાઈટ્રોજન હાયપોક્સિયા દ્વારા અપાનારી તેની મોતની સજા રોકવાની વિનંતી ફગાવી દીધી હતી.
