શોખ મોટી ચીજ છે ભાઈ…મનપસંદ નંબર પ્લેટ માટે ચુકવ્યા 76 કરોડ રૂપિયા
દુનિયાભરમાં એવા ઘણા અબજોપતિ છે જે સોશિયલ મીડિયા પર ખૂબ જ એક્ટિવ છે. આમાંથી કેટલાક લોકો પોતાની લક્ઝરી લાઈફસ્ટાઈલ અને મોંઘી કારોનું પ્રદર્શન કરતા રહે છે. તેમાંથી એક ભારતીય અબજોપતિ છે, જેનો વીડિયો સોશિયલ મીડિયા પર વાયરલ થઈ રહ્યો છે. આ વ્યક્તિ દુબઈમાં પોતાની મનપસંદ નંબર પ્લેટ લેવા માટે ચર્ચામાં છે, જેના માટે વ્યક્તિએ ૭૬ કરોડ રૂપિયા ચૂકવ્યા છે. આ ભારતીય અબજોપતિ પાસે ૫ રોલ્સ રોયસ કાર છે.
યુટ્યુબ પર ખજ્ઞ ટહજ્ઞલત દ્વારા એક વીડિયો શેર કરવામાં આવ્યો છે, જે આ વ્યક્તિ વિશે જણાવે છે કે તેનું નામ અબુ સબા છે અને તેનું અસલી નામ બલવિદર સાહની છે. આ વ્યક્તિની રોલ્સ-રોયસ ફેન્ટમ ટઈંઈંઈં પર ઉ૫ નંબર પ્લેટ છે, જે ૯ મિલિયનમાં ખરીદવામાં આવી હતી. ૯ મિલિયન ડોલર ભારતીય ચલણમાં આશરે રૂ. ૭૬ કરોડ બરાબર છે.
આ ખાસ નંબર પ્લેટ કાર પર લગાવવામાં આવે છે બલવિન્દર સાહની પાસે માત્ર ઉ૫ જ નથી પરંતુ બીજી એક ખાસ નંબર પ્લેટ પણ છે. તેમની કેટલીક ખાસ નંબર પ્લેટોમાં નંબર ૧, ૨૭ અને ૪૯ પણ હાજર છે. સ્પેશિયલ નંબર પ્લેટ ૧ વિશે વાત કરીએ તો તે છે મર્સિડીઝ બેન્ઝ જી૬૩. અબુ સબા ઉર્ફે બલવિન્દર સાહની વ્લોગરને તેની ટૂર આપે છે અને કહે છે કે તેને સોનેરી અને બેજ રંગો ખૂબ ગમે છે. એટલું જ નહીં, સાહનીની પાસે બુગાટી ચિરોન પણ છે.
