Hera Pheri 3 Controversy : અક્ષય કુમારે મૌન તોડ્યું, પરેશ રાવલે ફિલ્મ છોડ્યા બાદ પહેલીવાર આપી પ્રતિક્રિયા
છેલ્લા ઘણા સમયથી હેરા ફેરી 3 અને પરેશ રાવલનો વિવાદ ચાલી રહ્યો છે. પરેશ રાવલે ફિલ્મ સાઇન કર્યા બાદ છોડી દેતા કેપ ઓફ ગુલ ફિલ્મ્સ (અક્ષય કુમારની પ્રોડક્શન કંપની) એ પરેશ રાવલ સામે 25 કરોડ રૂપિયાનો કાનૂની દાવો દાખલ કર્યો હતો અને પરેશ રાવલે ફિલ્મ માટે લીધેલી રકમ ચૂકવી દીધી હતી. ત્યારે આજે આ મામલે અક્ષય કુમારે મૌન તોડ્યું હતું અને પરેશ રાવલ અને ફિલ્મ વિશે સ્પષ્ટતા કરી હતી.
અક્ષય કુમારની આગામી ફિલ્મ ‘હાઉસફુલ 5’ની આજે ટ્રેલર લોન્ચ ઇવેન્ટ હતી. આવી સ્થિતિમાં, કાર્યક્રમ દરમિયાન, તેમને ‘હેરા ફેરી 3’ અને પરેશ રાવલ સંબંધિત પ્રશ્નો પૂછવામાં આવ્યા. તેમણે પરેશ રાવલના વખાણ કર્યા. તેમણે કહ્યું કે તેઓ તેમનો ખૂબ આદર કરે છે. એટલું જ નહીં, તેણે એમ પણ કહ્યું કે પરેશ તેનો ખૂબ જ સારો મિત્ર છે.
અક્ષય કુમારનું નિવેદન
અક્ષય કુમારે કહ્યું, “હું પરેશ રાવલ સાથે 30…32 વર્ષથી કામ કરી રહ્યો છું. અમે સારા મિત્રો છીએ અને હું તેમનો ખૂબ આદર કરું છું. તે એક મહાન અભિનેતા છે.” પરંતુ તેમણે સ્પષ્ટતા કરી કે તેઓ આ મામલે વધુ કંઈ નહીં કહે કારણ કે આ મામલો હવે કોર્ટમાં છે. અક્ષયે કહ્યું, “આ એક ગંભીર મુદ્દો છે. મને નથી લાગતું કે મારે અહીં તેના વિશે કંઈ કહેવું જોઈએ. આ એક એવો મામલો છે જે હવે કોર્ટમાં છે.”
અક્ષય કુમાર ગુસ્સે થયો
આ કાર્યક્રમ દરમિયાન, જ્યારે એક પત્રકારે અક્ષય કુમારને કહ્યું કે લોકો પરેશ રાવલના ફિલ્મ છોડી દેવાથી ખૂબ જ દુઃખી છે અને કેટલાક લોકો પરેશ રાવલ માટે “મૂર્ખ” જેવા શબ્દોનો ઉપયોગ કરી રહ્યા છે, ત્યારે અક્ષય ગુસ્સે થયો. તેણે તરત જ રિપોર્ટરને અટકાવ્યો અને કહ્યું, “મારા કોઈપણ સહ-કલાકાર માટે આવા શબ્દોનો ઉપયોગ કરવો ઠીક નથી.” તમને જણાવી દઈએ કે, અક્ષય, સુનીલ શેટ્ટી અને પરેશ રાવલની ત્રિપુટી અભિનીત આ ફ્રેન્ચાઇઝી હજુ પણ ચાહકોમાં ખૂબ જ લોકપ્રિય છે. આવી સ્થિતિમાં પરેશ રાવલની ગેરહાજરી અને કાનૂની વિવાદે ફિલ્મના ભવિષ્ય પર મોટો પ્રશ્ન ઉઠાવ્યો છે.
