સંસદમાં સરકાર બાંગ્લાદેશના મુદ્દે નિવેદન આપવા તૈયાર

વડાપ્રધાન મોદી અને વિદેશમંત્રી જયશંકર વચ્ચે બેઠક થઈ; હિન્દુઓ પરના અત્યાચાર અંગે ચર્ચા કરી; વિદેશમંત્રી નિવેદન આપી શકે છે

બાંગ્લાદેશમાં હિંદુઓ પર થઈ રહેલા અત્યાચારો વચ્ચે વિદેશ મંત્રી એસ જયશંકર ગુરુવારે બપોરે વડાપ્રધાન મોદીને મળ્યા હતા. થોડા સમય સુધી બંને વચ્ચે આ મુદ્દે ચર્ચા થઈ હતી. આ દરમિયાન બંને વચ્ચે સંસદ સત્રને લઈને પણ ચર્ચા થઈ હતી.

બાંગ્લાદેશમાં હિંદુઓ પર થયેલા હુમલા પર સરકાર તરફથી જવાબ માટે વિપક્ષ હંગામો મચાવી રહ્યો છે. સરકારી સૂત્રોનું કહેવું છે કે મોદી અને એસ જશંકર વચ્ચે ચર્ચા થઈ હતી કે જો ગૃહ ચાલે તો સરકાર બાંગ્લાદેશ મુદ્દે ગૃહમાં નિવેદન આપવા તૈયાર છે. વાસ્તવમાં, પાડોશી દેશ બાંગ્લાદેશમાં હિંદુઓ પર હુમલાને લઈને ચિંતા વધી રહી છે. સૂત્રોએ કહ્યું કે જો સંસદના બંને ગૃહોમાં કામકાજ સુચારૂ રીતે ચાલુ રહેશે તો જયશંકર ટૂંક સમયમાં આ મામલે નિવેદન આપશે.

અમરીકી હિન્દુ સંગઠનો મેદાને
ચિન્મય કૃષ્ણ દાસ પ્રભુ ઇસ્કોનના સભ્ય હતા અને તાજેતરમાં જ તેમની હકાલપટ્ટી કરવામાં આવી હતી. મંગળવારે તેમને જામીન મળ્યા ન હતા. ત્યારથી હિન્દુ સમુદાયના લોકો વિરોધ કરી રહ્યા છે. તેઓ કહે છે કે યુનુસ સરકારમાં તેમના પર અત્યાચાર થઈ રહ્યો છે. બાંગ્લાદેશની વચગાળાની સરકારના મુખ્ય સલાહકાર મુહમ્મદ યુનુસે ચિત્તાગોંગમાં વકીલની હત્યાની નિંદા કરી છે. તેમણે આ મામલે તપાસના આદેશ આપ્યા છે. બીજી તરફ, બાંગ્લાદેશમાં લઘુમતીઓ પરના હુમલાની નિંદા કરતા, ઘણા હિંદુ અમેરિકન જૂથોએ માંગ કરી છે કે બાંગ્લાદેશને અમેરિકન સહાય એ શરતે આપવામાં આવે કે ત્યાંની સરકાર આ વસ્તીના રક્ષણ માટે નાના પગલાં લે.