Google Maps ફરી દગો દીધો !! શૉર્ટકટના ચક્કરમાં કાર કેનાલમાં ખાબકી, ત્રણ યુવક હતા સવાર

ગૂગલ મેપ આજે ખૂબ જ મહત્વ ધરાવતી એપ્લિકેશન બની ગઈ છે. કારણ કે કોઈ પણ વ્યક્તિ દરેક રસ્તાને જાણતો નથી ત્યારે ગૂગલ મેપ જ તેને રસ્તો બતાવે છે. કોઈ પણ જગ્યાએ પહોંચવું હોય ગૂગલ મેપમાં એડ્રેસ નાખ્યા બાદ તે જ લોકોને લોકેશન અને ડાયરેક્શન બતાવે છે. ત્યારે ઘણીવાર ગૂગલ મેપ જોખમ પણ સાબિત થઈ શકે છે. આવી જ એક ઘટના પ્રકાશમાં આવી છે જેમાં ગૂગલ મેપના કારણે બરેલીમાં રોડ અકસ્માત થયો છે. ગૂગલ મેપ દ્વારા બતાવેલ રૂટ પર મુસાફરી કરતી વખતે એક કાર કેનાલમાં પડી હતી. માહિતી મળ્યા બાદ પોલીસ ઘટનાસ્થળે પહોંચી અને લોકોને બચાવ્યા હતા.

ઉત્તર પ્રદેશના બરેલીમાં ગૂગલ મેપ દ્વારા બતાવેલ રૂટ પર મુસાફરી કરતી વખતે એક કાર કેનાલમાં પડી હતી. માહિતી મળ્યા બાદ પોલીસ ઘટનાસ્થળે પહોંચી અને બે લોકોને બચાવી લીધા. એક વ્યક્તિ પહેલેથી જ બહાર આવી ગયો હતો. તેણે પોલીસને જાણ કરી. સદનસીબે આ અકસ્માતમાં કોઈનું મોત થયું નથી. જોકે કાર સવારોને ઘણી ઈજાઓ થઈ હતી.

વાસ્તવમાં, આખો મામલો બરેલીના ઇજ્જત નગર પોલીસ સ્ટેશન વિસ્તારનો છે, જ્યાં આજે સવારે 6 વાગ્યે એક કાર કાલાપુર કેનાલમાં પડી હતી. કારમાં સવાર ત્રણ લોકો પીલીભીત જઈ રહ્યા હતા ત્યારે બરેલીના રિથોરા શહેરમાં અકસ્માત થયો હતો. પીડિતોએ દાવો કર્યો હતો કે તેઓ ગૂગલ મેપ્સની મદદથી મુસાફરી કરી રહ્યા હતા. અમે તેમના બતાવેલા માર્ગ પર ચાલતા હતા. આ દરમિયાન કાર કેનાલમાં પડી હતી. કેનાલમાં પાણી નહોતું.

જણાવવામાં આવી રહ્યું છે કે કાલાપુર કેનાલે બરકાપુર તિરાહા ગામ પાસે રસ્તો કાપી નાખ્યો છે. જેના કારણે કાર ચાલક ભાનમાં આવ્યો ન હતો અને તેની કાર કેનાલમાં પલટી મારી ગઈ હતી. જો કે કારમાં સવાર ત્રણ લોકો નાસી છૂટ્યા હતા. બાદમાં ક્રેન વડે કારને બહાર કાઢવામાં આવી હતી.

મેપમાં શોર્ટકટ દેખાતાં કાર વાળતાં જ કેનાલમાં ખાબકી

કેનાલમાં કાર ખાબકી જવાની ઘટના અંગે ઇજ્જતનગરના ઇન્સ્પેક્ટર ધનંજય પાંડેએ કહ્યું કે, ‘ઔરેયાના રહેવાસી મહેન્દ્ર પ્રતાપ સિંહ તેમના બે મિત્રો સાથે સોમવારે રાત્રે ત્રણ વાગે કારમાં પીલીભીત જઈ રહ્યા હતા. ધુમ્મસ છવાયેલું હોવાના કારણે તે લોકો ગૂગલ મેપનો ઉપયોગ કરીને આગળ વધી રહ્યા હતા. તેઓને મેપમાં ઇજ્જતનગરના કલાપુર પુલ પાસે શૉર્ટકટ દેખાયો હતો અને તુરંત કારને કેનાલ તરફ વાળી દીધી હતી. ત્યાંથી થોડે દૂર બરકાપુર તિરાહા ગામનો રસ્તો તૂટેલો હોવાથી કાર કેનાલમાં પલટી ગઈ હતી.

કાર પુલ પરથી નીચે પડી હતી

નોંધનીય છે કે 24 નવેમ્બરે ગુગલ મેપ પર ખોટા રૂટ બતાવવાને કારણે બરેલી-બદાઉન રોડ પર અધૂરા પુલ પર એક દુ:ખદ અકસ્માત થયો હતો. ચાલતી કાર બ્રિજ પરથી નીચે પટકાતાં તેમાં સવાર ત્રણ લોકોનાં મોત થયાં હતાં. આ ઘટનામાં પીડબ્લ્યુડીની બેદરકારી પણ સામે આવી છે પોલીસે ગૂગલ મેપના રિજનલ મેનેજરને પણ નોટિસ ફટકારી છે.