ફેમસ યુટ્યુબર એલ્વિશ યાદવની મુશ્કેલીઓ વધી : આ મામલે EDએ કેસ દાખલ કર્યો
ફેમસ યુટ્યુબર એલ્વિશ યાદવને લઈ એક મોટા સમાચાર સામે આવ્યા છે. એલ્વિશ યાદવ સામે ED દ્વારા કાર્યવાહી કરવમાં આવી છે. નોઈડા પોલીસની FIR પર મની લોન્ડરિંગનો કેસ દેખલ કરવમાં આવ્યો છે. કોબ્રા કેસ બાદ હવે યુટ્યુબર એલ્વિશ યાદવનું નામ મની લોન્ડરિંગ કેસમાં સામે આવ્યું છે. EDની લખનૌ ઝોનલ ઓફિસ ટૂંક સમયમાં એલ્વિશની પૂછપરછ કરવાની તૈયારી કરી રહી છે. નોઈડામાં 2 નવેમ્બરે નોંધાયેલા કેસના આધારે મની લોન્ડરિંગનો કેસ નોંધવામાં આવ્યો છે.
એલ્વિશ યાદવ ફરી વિવાદમાં
યુટ્યુબર એલ્વિશ યાદવની મુશ્કેલીઓનો અંત આવવાના કોઈ સંકેત દેખાઈ રહ્યા નથી. કોબ્રા કેસ બાદ તે ફરી એકવાર ચર્ચામાં છે. ઇડીએ મની લોન્ડરિંગ કેસમાં યુટ્યુબર વિરુદ્ધ કેસ દાખલ કર્યો છે. ઇડી તેની પાસે રહેલી મોંઘી કારોના કાફલા અંગે તપાસ કરી શકે છે.
17 માર્ચે, યુટ્યુબરની નોઇડા પોલીસે કોબ્રા ઘટના કેસમાં ધરપકડ કરી હતી, ત્યારબાદ તેને 14 દિવસની ન્યાયિક કસ્ટડીમાં મોકલવામાં આવ્યો હતો. હાલ તે જામીન પર બહાર છે. પરંતુ હવે EDએ તેમની સામે કાર્યવાહી કરવાની તૈયારી શરૂ કરી દીધી છે. તે જ સમયે, આ મામલે YouTuber દ્વારા હજુ સુધી કોઈ નિવેદન જારી કરવામાં આવ્યું નથી. જેલમાંથી બહાર આવ્યા બાદ એલવીશે પોતાને નિર્દોષ જાહેર કર્યા હતા. યુટ્યુબર કહે છે કે કેટલાક લોકોને તેની સફળતા પસંદ નથી આવી રહી. એટલા માટે તેને બિનજરૂરી રીતે ફસાવવામાં આવી રહ્યો છે.
શું છે મામલો?
8 નવેમ્બરે નોઈડા પોલીસે રેવ પાર્ટીમાં સાપના ઝેરના ઉપયોગના મામલામાં એફઆઈઆર નોંધી હતી. આ કેસમાં યુટ્યુબર એલ્વિશ યાદવ પણ આરોપી છે. પોલીસે પાંચ લોકોની ધરપકડ કરી હતી. જેમાં રાહુલ, તિતુનાથ, જયકરણ, નારાયણ અને રવિનાથનો સમાવેશ થાય છે. પોલીસને રાહુલના નામે 20ml ઝેર મળી આવ્યું હતું.
એલવિશે ખુલાસામાં શું કહ્યું?
આ મામલો સામે આવ્યા બાદ એલ્વિશે ઈન્સ્ટા પર એક વીડિયો પોસ્ટ કરીને પોતાનો ખુલાસો કર્યો હતો. તેણે કહ્યું હતું- હું સવારે જાગી ગયો. મેં મીડિયામાં સમાચાર જોયા કે એલ્વિશ યાદવ ડ્રગ્સના ધંધામાં સામેલ છે. તેની ધરપકડ કરવામાં આવી છે. ચાલો હું તમને મારી વિરુદ્ધ જઈ રહેલી બધી બાબતો કહું. તેઓ નકલી છે અને મારે તેની સાથે કોઈ લેવાદેવા નથી.
