“EVM હેક થઈ શકે છે, એના પ્રૂફ છે…”, US નેશનલ ઈન્ટેલિજન્સ ડિરેક્ટર તુલસી ગબાર્ડનો મોટો દાવો

ચુંટણી પહેલા અને ચુંટણી પછી અનેકવાર વિપક્ષ દ્વારા EVM પર આક્ષેપ કરવામાં આવે છે. વિપક્ષી નેતાઓએ EVM સાથે છેડછાડ કરવાના, EVM હેક થવાના અનેક દાવા કરવામાં આવતા હોય છે ત્યારે આ મામલે અમેરિકન નેશનલ ઈન્ટેલિજન્સ ડિરેક્ટર તુલસી ગબાર્ડે મોટો દાવો કર્યો છે. ભારતના વિપક્ષ નેતાઓ દ્વારા તો હંમેશા આ બાબતે વિરોધ કરવામાં આવતો જ હોય છે ત્યારે ચુંટણીપંચ અને સરકાર દ્વારા આવા આક્ષેપ ફગાવી દેવામાં આવતા હોય છે ત્યારે તુલસી ગબાર્ડનો આ બાબતે દાવો કર્યો છે ત્યારે ચાલો જાણીએ શું છે સમગ્ર મામલો :

યુએસ નેશનલ ઇન્ટેલિજન્સ ડિરેક્ટર તુલસી ગબાર્ડે દાવો કર્યો છે કે ઇલેક્ટ્રોનિક વોટિંગ મશીન (EVM) ને સરળતાથી હેક કરીને ચૂંટણી પરિણામો સાથે છેડછાડ કરી શકાય છે. તેમણે કહ્યું કે અમેરિકામાં ચૂંટણી બેલેટ પેપર દ્વારા થવી જોઈએ. જેથી લોકો ચૂંટણીની પારદર્શિતા પર વિશ્વાસ કરી શકે. ભારતના ચૂંટણી પંચે ફરી એકવાર સ્પષ્ટ કર્યું છે કે ભારતના EVM સંપૂર્ણપણે સુરક્ષિત છે. ચૂંટણી પંચે કહ્યું કે EVM ને વિદેશી સંદર્ભ સાથે જોડવું યોગ્ય નથી.

ભારતનું EVM સંપૂર્ણપણે અલગ છે

ચૂંટણી પંચના સૂત્રોએ ધ ટાઇમ્સ ઓફ ઇન્ડિયાને જણાવ્યું હતું કે ભારતમાં વપરાતા EVM કેટલાક દેશોમાં વપરાતી ઇલેક્ટ્રોનિક મતદાન પ્રણાલીઓથી અલગ છે. અહીં વપરાતા EVM ચોક્કસ કેલ્ક્યુલેટર જેવા છે. તેમાં ઇન્ટરનેટ, વાઇફાઇ કે ઇન્ફ્રારેડ સાથે કોઈ કનેક્ટિવિટી નથી. આમાં કોઈપણ પ્રકારની છેડછાડ થઈ શકે નહીં.

કેટલાક દેશો એવી સિસ્ટમોનો ઉપયોગ કરે છે જેમાં બહુવિધ સિસ્ટમો, મશીનો, મતપત્રો અને ખાનગી નેટવર્કનો સમાવેશ થાય છે. આ દેશોમાં મતદારોની સંખ્યા આશરે એક અબજ ભારતીય મતદારોના પાંચમા ભાગ કરતાં પણ ઓછી છે. પોતાની પસંદગીનું બટન દબાવતી વખતે, મતદાર સંબંધિત વોટર-વેરિફાયેબલ પેપર ટ્રેલ (VVPAT) સ્લિપ પણ જોઈ શકે છે. આનાથી મતદારોને સંતોષ મળે છે અને વિશ્વાસ પણ સ્થાપિત થાય છે.
ચૂંટણી લડતા ઉમેદવારોની હાજરીમાં પાંચ કરોડથી વધુ VVPAT સ્લિપની ચકાસણી, ગણતરી અને મેચિંગ કરવામાં આવી છે. ગમે તેટલા મતોની ગણતરી એક દિવસ કરતાં પણ ઓછા સમયમાં પૂર્ણ કરી શકાય છે. EVM પણ સ્ટ્રોંગરૂમમાં રાખવામાં આવ્યા છે.

તુલસી ગબાર્ડે શું કહ્યું ?

યુએસ નેશનલ ઇન્ટેલિજન્સ ડિરેક્ટર તુલસી ગબાર્ડે ડોનાલ્ડ ટ્રમ્પની હાજરીમાં જણાવ્યું હતું કે, ‘અમારી પાસે પુરાવા છે કે આ ઇલેક્ટ્રોનિક મતદાન પ્રણાલીઓ ઘણા લાંબા સમયથી હેકર્સ માટે અસુરક્ષિત રહી છે અને મતોના પરિણામોમાં ફેરફાર કરવા માટે તેનો ઉપયોગ કરી શકાય છે, જે દેશભરમાં પેપર બેલેટ લાગુ કરવાના તમારા આદેશને આગળ ધપાવે છે જેથી મતદારો આપણી ચૂંટણીઓની પ્રામાણિકતામાં વિશ્વાસ રાખી શકે.’ ‘ તમને જણાવી દઈએ કે ગયા વર્ષે ટેસ્લા અને સ્પેસએક્સના સીઈઓ એલોન મસ્કે ઇલેક્ટ્રોનિક વોટિંગ મશીનો પર વિશ્વાસ કરવા સામે ચેતવણી આપી હતી. આમાં, હેકિંગના સંભવિત જોખમો દર્શાવવામાં આવ્યા હતા.