ટ્રક હડતાળ સમેટાઇ છતાં કેટલાક રાજ્યોમાં શાકભાજીના ભાવ વધ્યા , પેટ્રોલની તંગી સર્જાઇ
નવા હીટ ઍન્ડ રન કાયદા સામે દેશભરમાં ટ્રક હડતાળ ચાલી હતી અને મંગળવારે સરકારની ખાતરી બાદ હડતાળ સમેટાઇ ગઈ હતી પણ પાછલા દિવસોની હડતાલને પગલે પૂરવઠો ખોરવાઇ જતાં દેશના અનેક રાજ્યોમાં શાકભાજીના ભાવ ખૂબ જ વધી ગયાની ફરિયાદ લોકોએ કરી હતી. એજ રીતે અનેક રાજ્યોમાં પેટ્રોલ ડિઝલ ની તંગી પણ જોવા મળી હતી.
ગુજરાતનાં પણ કેટલાક શહેરોમાં પેટ્રોલપંપો પર ખલાસના પાટિયા જોવા મળ્યા હતા. પાછલા દિવસોની હડતાલની નકારત્મક અસર રાજ્યોમાં જોવા મળી હતી. જો કે મંગળવારે રાત્રે જ ટ્રાન્સપોર્ટ કોંગ્રેસે ટ્રક ડ્રાઈવરોને કામ પર લાગી જવાની અપીલ કરી હતી અને હડતાળ સમેટાઇ ગઈ હતી.
