Cristiano Ronaldo અને Mr Beast કોલાબ્રેશન કરી ઈન્ટરનેટ પર મચાવી ધૂમ !! આ જોડી લાઈક શેરના તમામ રેકોર્ડ તોડશે
ક્રિસ્ટિયાનો રોનાલ્ડોએ થોડા સમય પહેલા પોતાની યુટ્યુબ ચેનલ બનાવી છે. લાઈવ થતાં જ આ યુટ્યુબ ચેનલ પર સબસ્ક્રાઈબરોનો જાણે વરસાદ થયો હોય તેમ કરોડો સબસ્ક્રાઈબરે ચેનલને સબસ્ક્રાઈબ કરી હતી. રોનાલ્ડોએ થોડીવારમાં ઘણા યુટ્યુબર્સના રેકોર્ડ પણ તોડી નાખ્યા. હાલમાં રોનાલ્ડોની ચેનલ પર સબસ્ક્રાઈબર્સની સંખ્યા 6.79 કરોડ સુધી પહોંચી ગઈ છે.
હાલમાં જ તેણે ઈન્ટરનેટની દુનિયામાં એક મોટું કોલાબ્રેશન કર્યું છે. ક્રિસ્ટિયાનો ઘણા દિવસોથી કોલાબ વિશે વાત કરતો હતો, હવે આ પરથી પડદો ઉંચકાયો છે. રોનાલ્ડોના નવા મહેમાન બીજું કોઈ નહીં પણ MrBeast છે, જેમના YouTube પર સૌથી વધુ સબ્સ્ક્રાઇબર્સ છે.
યુટ્યુબ પર વિડીયો રીલીઝ
ક્રિસ્ટિયાનો રોનાલ્ડો અને મિસ્ટરબીસ્ટના આ વીડિયોનું શીર્ષક છે ‘આઈ મીટ મિસ્ટરબીસ્ટ ટુ બ્રેક ધ ઈન્ટરનેટ!’ જે મહદઅંશે સાચુ જણાય છે. માત્ર 14 કલાકમાં આ વીડિયોના વ્યૂઝ 1.4 કરોડ સુધી પહોંચી ગયા છે. 14 મિનિટના આ વીડિયોમાં ક્રિસ્ટિયાનો રોનાલ્ડોએ MrBeast સાથે વિવિધ વિષયો પર ચર્ચા કરી છે.
🚨BREAKING: Cristiano Ronaldo has collabed with MrBeast for his upcoming video. pic.twitter.com/FydxpuM6V0
— TCR. (@TeamCRonaldo) November 20, 2024
ઈન્સ્ટાગ્રામ પર પણ આ કોલાબ્રેશન બાદ વીડિયો પર લાઈક્સ અને શેરનું પૂર આવ્યું હોય તેમ એટલું વધુ શેર થયું છે. આ રીલને અત્યાર સુધીમાં 112 મિલિયન વ્યુઝ મળ્યા છે. એવું માનવામાં આવે છે કે આ ઇન્સ્ટાની સૌથી વધુ જોવાયેલી રીલ બની શકે છે.
લોકોને આ કોલાબ્રેશનની અપેક્ષા નહોતી. જ્યારે ક્રિસ્ટિયાનોએ તેના ગેસ્ટને ટીઝ કરવાનું શરૂ કર્યું ત્યારે લોકો અનુમાન લગાવી રહ્યા હતા કે તે લિયોનેલ મેસીને આમંત્રણ આપશે. બંને ફૂટબોલની દુનિયામાં સુપ્રસિદ્ધ નામ છે. રોનાલ્ડો અને મિસ્ટરબીસ્ટના આ વીડિયોને લોકોનો સારો પ્રતિસાદ મળી રહ્યો છે.
શું ક્રિસ્ટિયાનો રોનાલ્ડો મિસ્ટરબીસ્ટથી આગળ નીકળી જશે ?
વીડિયોમાં એક ક્ષણ છે જ્યારે ક્રિસ્ટિયાનો રોનાલ્ડો કહે છે કે શું તમને લાગે છે કે હું તમને હરાવીશ? તમને જણાવી દઈએ કે હાલમાં યુટ્યુબ પર MrBeastના સબસ્ક્રાઈબર્સની સંખ્યા સૌથી વધુ છે. તેની ચેનલ પર સબસ્ક્રાઈબર્સની સંખ્યા 33.1 કરોડ છે.
રોનાલ્ડો અને મિસ્ટરબીસ્ટ વચ્ચેના સબ્સ્ક્રાઇબર્સમાં તફાવત ઘણો મોટો છે. રોનાલ્ડોની ચેનલ જે ઝડપે લોકપ્રિય બની છે તેના કારણે ઘણા લોકો અનુમાન લગાવી રહ્યા છે કે તે ટૂંક સમયમાં સૌથી વધુ સબ્સ્ક્રાઇબર્સ ધરાવતી ચેનલ બની જશે. રોનાલ્ડોએ આ વીડિયોમાં પૂછ્યું કે જ્યારે મેં આ ચેનલ શરૂ કરી ત્યારે તમને કેવું લાગ્યું.
રોનાલ્ડોએ મિસ્ટરબીસ્ટને પૂછ્યું શું તમે મારી ચેનલ જુઓ છો? આ વીડિયોમાં બંને વચ્ચે ચેનલ અને એકબીજાને લઈને ઘણી વાતો થઈ છે. રોનાલ્ડોએ કહ્યું કે તેને આશ્ચર્ય નથી કે આટલા બધા લોકો તેને ફોલો કરે છે, પરંતુ તે ખુશ છે. MrBeast એ એ પણ જણાવ્યું કે યુટ્યુબ વીડિયો અપલોડ કરતી વખતે તમારે કઈ બાબતોનું ધ્યાન રાખવું જોઈએ.
