ક્રિકેટર રીન્કુ સિંહ અને સાંસદ પ્રિયા સરોજે કરી સગાઈ : જાણો કપલમાંથી કોણ છે વધુ અમિર? કેટલી છે સંપતિ
ટીમ ઈન્ડિયાના મીડલ ઑર્ડર બેટર રિન્કુ સિંહ અને ઉત્તરપ્રદેશના જૌનપુરના મછલીશહરના સપા સાંસદ પ્રિયા સરોજ સગાઈના તાંતણે બંધાયા હતા. લખનૌની ફાઈવ સ્ટાર હોટેલમાં પરિવાર અને મિત્રોની હાજરીમાં બન્નેએ એકબીજાને રિંગ પહેરાવી હતી. આ દરમિયાન રિન્કુ સિંહે પ્રિયા સરોજને જેવી રિંગ પહેરાવી કે પ્રિયા રડવા લાગ્યાં હતાં. આ અંગેનો વીડિયો સોશ્યલ મીડિયા પર વાયરલ થઈ રહ્યો છે. આ રિંગ સેરેમનીમાં સમાજવાદી પાર્ટીના પ્રમુખ અખિલેશ યાદવ અને તેમનાં પત્ની ડિમ્પલ પાદવ હાજર રહ્યા હતા.
આ ઉપરાંત BCCI ઉપપ્રમુખ રાજીવ શુક્લા અને જયા બચ્ચન પણ રિન્કુ અને પ્રિયાને આશીર્વાદ આપવા ઉપસ્થિત રહ્યા હતા. બન્નેએ એકબીજા માટે સ્પેશ્યલ રિંગ મંગાવી હતી. પ્રિયાએ કોલકત્તાથી ડિઝાઈનર રિંગ તો રિન્કુ સિંહે મુંબઈથી ખાસ રિંગ મંગાવી હતી. બન્ને રિંગની કિંમત અઢી લાખ રૂપિયા જેવી છે. હવે 18 નવેમ્બરે વારાણસીની હોટેલ તાજ ખાતે બન્ને લગ્નના બંધનમાં બંધાશે. આ કાર્યક્રમમાં ક્રિકેટજગતના ખેલાડીઓ, ફિલ્મી હસ્તીઓ અને ઉદ્યોગપતિઓ હાજર રહેશે.
રિંગ સેરેમનીમાં રિંકુ સિંહ સફેદ શેરવાનીમાં જોવા મળ્યો હતો જ્યારે, જ્યારે પ્રિયા સરોજે બેબી પિન્ક લહેંગા પહેર્યો હતો. પ્રિયા સ્ટેજ પર પહોંચતાની સાથે જ પ્રિયા સરોજ ખુશીના આંસુ આવ્યા હતા. બાદમાં, બંનેએ હસતાં હસતાં પોઝ આપ્યા હતા. સમારોહમાં લગભગ 300 મહેમાનો હાજર રહ્યા હતા. આમાં સમાજવાદી પાર્ટીના નેતા અખિલેશ યાદવ, પ્રોફેસર રામગોપાલ યાદવ, જયા બચ્ચન, ભારતીય ક્રિકેટ બોર્ડ (BCCI) ના ઉપાધ્યક્ષ રાજીવ શુક્લાનો સમાવેશ થાય છે.
રિંકુ કે પ્રિયા સરોજ કોણ વધુ ધનવાન છે?
મીડિયા રિપોર્ટ્સ અનુસાર, IPL અને ભારતીય ટીમમાં શાનદાર પ્રદર્શન કરનાર ક્રિકેટર રિંકુ સિંહની કુલ સંપત્તિ આશરે 8 થી 9 કરોડ રૂપિયા હોવાનો અંદાજ છે. કોલકાતા નાઈટ રાઈડર્સે તેમને IPL 2025 માટે 13 કરોડ રૂપિયામાં રિટેન કર્યા હતા. આનાથી તેમની વાર્ષિક કમાણીમાં મોટો ઉછાળો આવ્યો છે. તેમની પાસે ભારતીય ક્રિકેટ કંટ્રોલ બોર્ડ (BCCI) તરફથી સેન્ટ્રલ કોન્ટ્રાક્ટ છે. તેઓ ગ્રેડ C માં છે. ગ્રેડ C ના ખેલાડીઓને 1 કરોડ રૂપિયા મળે છે. રિંકુ IPLમાં કોલકાતા નાઈટ રાઈડર્સ (KKR) નો ભાગ રહી ચૂક્યો છે.
આ પણ વાંચો : કોહલી કમાણીમાં પણ ‘વિરાટ’! આટલા કરોડની સંપતિનો માલિક, ક્રિકેટ સિવાય અહીંથી કરે છે કમાણી, જાણો તમામ માહિતી
સગાઈમાં કોણ કોણ હાજર રહ્યું?
રિંકુ સિંહ અને સાંસદ પ્રિયા સરોજની સગાઈમાં રમતગમત અને રાજકારણની દુનિયાની ઘણી હસ્તીઓ હાજર રહી હતી. ટીમ ઈન્ડિયાના ભૂતપૂર્વ ક્રિકેટર પ્રવીણ કુમાર, પીયૂષ ચાવલા અને યુપી રણજી ટીમના કેપ્ટન આર્યન જુયાલ જેવા અનુભવી ખેલાડીઓએ પણ નવદંપતીને અભિનંદન પાઠવ્યા હતા. એટલું જ નહીં, સમાજવાદી પાર્ટીના પ્રમુખ અખિલેશ યાદવ, સાંસદ ડિમ્પલ યાદવ, જયા બચ્ચન, ઇકરા હસન સહિત ઘણા મોટા નેતાઓએ સમારોહમાં હાજરી આપી હતી. પ્રિયા સરોજે કોલકાતાથી એક ખાસ ડિઝાઇનર રિંગ મંગાવી હતી, જ્યારે રિંકુ સિંહે મુંબઈથી બનાવેલી તેની પસંદગીની રિંગ મંગાવી હતી.
