ક્રિકેટર મોહમ્મદ શમીની પૂર્વ પત્ની વિવાદમાં સપડાઈ : હત્યાના પ્રયાસ મામલે હસીન જહાં પર કેસ દાખલ, પુત્રીનું નામ પણ સામેલ

હજુ થોડા દિવસો પહેલા જ ભરણપોષણ ચૂકવવા ભારતીય ક્રિકેટર મોહમ્મદ શમીની પૂર્વ પત્ની ચર્ચામાં આવી હતી ત્યારે ફરી એકવાર હસીન જહાં ફરી એકવાર ચર્ચામાં છે. આ વખતે તેમના પર ગંભીર આરોપો લગાવવામાં આવ્યા છે, જેમાં હત્યાનો પ્રયાસ પણ સામેલ છે. આ મામલો સોશિયલ મીડિયા અને ન્યૂઝ ચેનલો પર વધુને વધુ વાયરલ થઈ રહ્યો છે. ચાલો આ કેસની સંપૂર્ણ વિગતો વિગતવાર જાણીએ.

શું છે સમગ્ર મામલો?

શમીની પુત્રી અને હસીન જહાં પર તેમના પડોશીઓએ કેસ દાખલ કર્યો છે. તેમની પાડોશી ડાલિયા ખાતૂને હસીન જહાં પર ગંભીર આરોપો લગાવ્યા છે જેમાં હત્યાનો પ્રયાસ, ગુનાહિત કાવતરું અને ઉત્પીડનના આરોપોનો સમાવેશ થાય છે.

FIR registered against wife of M. Shammi Hasin Jahan and her daughter in an attempt to murder of her neighbour in Suri, District Birbhum, W. Bengal. In the video, Jahan could be seen pushing and shoving the other lady.
The entire incident was caught on camera and has gone viral pic.twitter.com/AzogaKTRXd

— 🌻Adv. Pragati singh🌻 (@legaldilse) July 16, 2025

સોશિયલ મીડિયા પર વાયરલ વીડિયો

સોશિયલ મીડિયા પર હસીન જહાં અને તેની પુત્રીનો એક વીડિયો વાયરલ થઈ રહ્યો છે જેમાં તે એક શેરીમાં હંગામો મચાવી રહી છે અને એક મહિલા તેનો વીડિયો બનાવી રહી છે. હસીન જહાં પણ તેનો વીડિયો બનાવી રહી છે. આ દરમિયાન તેની પુત્રી પણ તેની સાથે જોવા મળી રહી છે. સિયાસત ડેઇલી અનુસાર, આ મામલો બીરભૂમ જિલ્લાના સુરી ગામની એક જમીન સાથે સંબંધિત છે. પશ્ચિમ બંગાળ પોલીસે જણાવ્યું કે આ મામલો વોર્ડ નંબર 5નો છે જ્યાં હસીન જહાંએ જમીન પર કામ કરાવવાનું શરૂ કર્યું હતું. આ જમીન તેની પુત્રી અરસીના નામે છે. તેના પાડોશીએ આ બાંધકામ સામે વાંધો ઉઠાવ્યો હતો અને કહ્યું હતું કે આ એક વિવાદિત જમીન છે.

આ પણ વાંચો : ‘મમ્મી, મારી બોડી ઘરે આવે ત્યારે ગળે લગાડી લેજો’ 28 લાખનું દેણું થઈ જતાં ખાંભામાં યુવતીએ જિંદગી ટૂંકાવી

શમી સાથે છૂટાછેડા

શમી અને હસીન જહાંના ઘણા સમય પહેલા છૂટાછેડા થઈ ગયા છે. તાજેતરમાં, કોલકાતા હાઇકોર્ટે શમીને હસીન જહાં અને તેની પુત્રીને માસિક 4 લાખ રૂપિયા ચૂકવવાનો આદેશ આપ્યો હતો. હસીન જહાં આનાથી ખુશ ન હતી અને તેનું માનવું હતું કે આ રકમ તેના અને તેની પુત્રીના જીવનનિર્વાહ માટે ઓછી છે. તેણે કોર્ટ પાસેથી 10 લાખ રૂપિયાની માંગણી કરી હતી.