કોંગી નેતા રાહુલ ગાંધી કયા દેશની મુલાકાતે પહોંચ્યા ? વાંચો

લોકસભામાં વિપક્ષના નેતા અને કોંગ્રેસના સાંસદ રાહુલ ગાંધી બે દિવસના અમેરિકાના પ્રવાસે છે. તેઓ શનિવારે બોસ્ટન લોગન ઇન્ટરનેશનલ એરપોર્ટ પહોંચ્યા હતા એરપોર્ટ પર તેમનું ભવ્ય સ્વાગત કરવામાં આવ્યું હતું. ઇન્ડિયન ઓવરસીઝ કોંગ્રેસના સભ્યોએ એરપોર્ટ પર સાંસદનું ફૂલો આપીને સ્વાગત કર્યું. હતું. ઓવરસીઝ કોંગ્રેસના વડા સેમ પિત્રોડાએ એરપોર્ટ પર તેમનું સ્વાગત કર્યું હતું.
રાહુલ ગાંધીને “યુવાનો માટે, લોકશાહી માટે અને સારા ભવિષ્ય માટેનો અવાજ” ગણાવતા, પિત્રોડાએ **X પર એક પોસ્ટમાં લખ્યું, “યુએસએમાં આપનું સ્વાગત છે, રાહુલ ગાંધી! ચાલો સાંભળીએ, શીખીએ અને સાથે મળીને નિર્માણ કરીએ”.

રાહુલ ગાંધી 21 અને 22 એપ્રિલના રોજ બ્રાઉન યુનિવર્સિટીમાં વિદ્યાર્થીઓ અને ફેકલ્ટી સાથે વાતચીત કરશે. કોંગ્રેસના સાંસદ તેમની મુલાકાત દરમિયાન એનઆરઆઈ સમુદાયના સભ્યો, ઇન્ડિયન ઓવરસીઝ કોંગ્રેસના પદાધિકારીઓ સાથે પણ વાતચીત કરે તેવી અપેક્ષા છે.

કોંગ્રેસના નેતા પવન ખેરાએ રાહુલ ગાંધીની અમેરિકા મુલાકાતની જાહેરાત કરી દીધી હતી અને કહ્યું હતું કે તેઓ ગાંધી યુનિવર્સિટીમાં વ્યાખ્યાન આપશે. કોંગ્રેસના ભૂતપૂર્વ પ્રમુખ રાહુલ ગાંધી સોમવારે અને 22 એપ્રિલે અમેરિકાના રોડ આઇલેન્ડમાં બ્રાઉન યુનિવર્સિટીની મુલાકાત લેશે, એમ તેમણે **X પર જણાવ્યું હતું.

તેઓ એનઆરઆઈ સભ્યો અને વિદ્યાર્થીઓ સાથે વાતચીત કરશે. રોડ આઇલેન્ડની મુલાકાત લેતા પહેલા, રાહુલ ગાંધી એનઆરઆઈ સમુદાયના સભ્યો તેમજ ઇન્ડિયન ઓવરસીઝ કોંગ્રેસના પદાધિકારીઓ અને સભ્યોને મળશે. આ પહેલા પણ તેઓ 2024 મા સપ્ટેમ્બરમાં અમેરિકાઆની યાત્રા પર ગયા હતા .