કોમર્શીયલ LPG સિલિન્ડરના ભાવ ઘટ્યા..વાંચો કેટલા થયા

નવા નાણાકીય વર્ષના પહેલા દિવસે કોમર્શિયલ LPG ગેસ સિલિન્ડરની કિંમતોમાં ઘટાડો થયો છે. ઓઇલ માર્કેટિંગ કંપનીઓએ 19 કિલોવાળા કોમર્શિયલ ગેસ સિલિન્ડર અને પાંચ કિલોવાળા સિલિન્ડરની કિંમતમાં કાપ મૂક્યો છે.

પહેલી ફેબ્રુઆરી, 2024એ 19 કિલોવાળા સિલિન્ડરની કિંમતોમાં વધારો કરવામાં આવ્યો હતો, પરંતુ હવે સિલિન્ડરની કિંમતો સસ્તી થઈ છે. IOCLની વેબસાઇટ મુજબ 19 કિલોવાળા ગેસ સિલિન્ડરમાં સરેરાશ ૩૨ રૂપિયા જેટલો ઘટાડો કરવામાં આવ્યો છે. ઘરમાં ઉપયોગમાં લેવામાં આવતા ગેસ સિલિન્ડરની કિંમતોમાં કોઈ ફેરફાર કરવામાં આવ્યો નથી.