દેશભરમાં ફરી ગુંજશે જય શ્રીરામનો નાદ: અમદાવાદમાં બનેલો ઐતિહાસિક ધ્વજ અયોધ્યા રામમંદિરમાં વડાપ્રધાન ફરકાવશે
અયોધ્યાના રામ મંદિરમાં ભગવાન શ્રીરામ લલ્લાના વિગ્રહની પ્રાણ-પ્રતિષ્ઠા ગત 22 જાન્યુઆરી 2024ના રોજ થઈ હતી. આ પછી ગત 5 જૂનના રોજ મંદિરના બીજા માળે રામ દરબારમાં ભગવાનના વિગ્રહની પ્રતિષ્ઠા કરવામાં આવી હતી. હવે રામ મંદિરનું નિર્માણ કાર્ય પૂરું થઈ ગયું છે, ત્યારે 25 નવેમ્બર એટલે કે આવતી કાલે મુખ્ય શિખર પર વિધિવત રીતે ધ્વજારોહણ કરાશે. દેશભરમાં ફરી રામલહેર ચાલશે. જય શ્રીરામનો નાદ ગુંજશે. વડાપ્રધાન મોડી ધ્વજા ફરકાવશે અને ભારત સહિત દુનિયાભરના શ્રધ્ધાળુઓ આ ઐતિહાસિક ક્ષણના સાક્ષી બનશે.
રામ મંદિર ખાતે રાષ્ટ્રપતિ દ્રૌપદી મુર્મુ, વડાપ્રધાન નરેન્દ્ર મોદી, સંઘના વડા મોહન ભાગવત અને ઉત્તર પ્રદેશના મુખ્યમંત્રી યોગી આદિત્યનાથ સહિત આમંત્રિત મહેમાનો હાજર રહેશે. ત્રિદિવસીય અનુષ્ઠાન થયું છે. આ પછી ધ્વજારોહણ કરવામાં આવશે. આ માટેની બધી જ તૈયારીઓ સંપન્ન કરી લેવાઈ છે. સુરક્ષાના મજબૂત જાપ્તા વચ્ચે આ ભવ્ય સમારોહ થવાનો છે.
આવતી કાલે અયોધ્યા રામ મંદિર ખાતે ભવ્યાતિભવ્ય ધ્વજારોહણ વિધિ થશે. આ ઐતિહાસિક પ્રસંગમાં 23, 24 અને 25ના રોજ ત્રિદિવસીય અનુષ્ઠાન થયું છે. જેમાં પારંપરિક યજ્ઞ વિધિ સહિત જે ધજાનું પૂજન થશે. રામ મંદિરના શિખર પરના સ્તંભ પર જે ઘજા લહેરાશે તે શૌર્યના પ્રતિક એવા કેસરિયા રંગની હશે.’
દિવ્ય ધ્વજ અમદાવાદમાં જ તૈયાર થયો છે; ધ્વજ નિર્માતા 80 વર્ષ જૂની કંપની છે
આ ધ્વજ ગુજરાતના અમદાવાદમાં આવેલી 80 વર્ષ જૂની કંપની દ્વારા બનાવવામાં આવ્યો છે, જે પેરાશૂટ બનાવવામાં નિષ્ણાત છે. આ ધ્વજ ખાસ પેરાશૂટ ફેબ્રિક અને રેશમના દોરાથી બનાવવામાં આવ્યો છે જે સૂર્ય, વરસાદ અને ભારે પવનનો સામનો કરી શકે છે. આ ધ્વજ 22 ફૂટ લાંબો અને 11 ફૂટ પહોળો છે. તેને મંદિરના શિખર પર 42 ફૂટ ઊંચા ધ્વજદંડ પર ફરકાવવામાં આવશે. ધ્વજદંડ બોલ બેરિંગ્સથી સજ્જ એક ખાસ ફરતી ચેમ્બર પર માઉન્ટ થયેલ છે, જે ખાતરી કરે છે કે ધ્વજ ભારે પવનમાં પણ સુરક્ષિત રહે.
ગમે તેવા પવન, કે ભારે વરસાદમાં પણ અડીખમ રહેશે ધ્વજ
અયોધ્યામાં રામ મંદિરની ટોચ પર ફરકાવવામાં આવનાર ધ્વજ ખૂબ જ ખાસ છે. તે ખાસ પેરાશૂટ ફેબ્રિક અને રેશમના દોરાથી બનાવવામાં આવ્યો છે જે સૂર્ય, વરસાદ અને ભારે પવનની અસરોનો સામનો કરી શકે છે. આ ધ્વજ 22 ફૂટ લાંબો અને 11 ફૂટ પહોળો છે. તેને મંદિરની ટોચ પર 42 ફૂટ ઊંચા ધ્વજસ્તંભ પર ફરકાવવામાં આવશે.
આક્રમણના દિવસો ગયા, હવે રામ મંદિર પર ઝંડા લહેરાશે; ભાગવત
રાષ્ટ્રીય સ્વયંસેવક સંઘના વડા મોહન ભાગવતે એક મોટું નિવેદન આપ્યું હતું. લખનૌમાં એક કાર્યક્રમમાં તેમણે કહ્યું કે આપણો દેશ વિશ્વનો વિશ્વગુરુ હતો. તે ઘણા રાજાઓના રાજ્યથી શણગારેલો હતો. ભારત વિશ્વની એક મહાન શક્તિ હતી. 1000 વર્ષ સુધી, તેને આક્રમણકારોના પગ નીચે કચડી નાખવામાં આવ્યો. આપણે ગુલામીમાં રહેવું પડ્યું. ધાર્મિક સ્થળોનો નાશ થયો. બળજબરીથી ધર્માંતરણ થવા લાગ્યું. સરસંઘચાલક કહે છે કે આ બધું ત્યાં હતું. તે સમયે પણ ભારત હતું. તે ગૌરવના દિવસો હવે રહ્યા નથી, તેથી આક્રમણના દિવસો પણ ગયા. હવે રામ મંદિર પર ધ્વજ ફરકાવવામાં આવશે. આ ત્યારે પણ ભારત હતું. આ હવે પણ ભારત છે.
