બળવાખોરો અને પાકિસ્તાન વચ્ચે લોહિયાળ જંગ: મહિલાઓએ આત્મઘાતી હુમલા કરી ISI હેડક્વાર્ટર ઉડાવ્યું, 200 જવાનોને ઠાર માર્યા

પાકિસ્તાનમાંથી અલગ થઈ સ્વતંત્રતાની માંગ સાથે સશસ્ત્ર સંઘર્ષ ચલાવતા બલોચાસથી લિબરેશન આર્મી (BLA) અને પાકિસ્તાનના સુરક્ષા દળો વચ્ચે ચોથા દિવસે પણ હિંસક અથડામણ ચાલુ રહી હતી. ‘ઓપરેશન હેરોફ ફેઝ–II’ નામે ચાલતી આ કાર્યવાહી દરમિયાન BLAએ પાકિસ્તાની સેના, પોલીસ અને ફ્રન્ટિયર કોર્પ્સના 200થી વધુ જવાનો માર્યા ગયા હોવાનો દાવો કર્યો છે. મહિલા આત્મઘાતી હુમલાખોરોની સંડોવણીના દાવાએ સમગ્ર પાકિસ્તાનને હચમચાવી દીધું છે.

BLAના પ્રવક્તા જિયાંદ બલોચે જણાવાયું કે તેમની કાર્યવાહી 40 કલાકથી વધુ સમય સુધી બલુચિસ્તાનના અનેક જિલ્લાઓમાં ચાલી રહી છે. ખરાન, મસ્તુંગ, ટૂંપ અને પાસની સહિતના વિસ્તારોમાં ઓપરેશન પૂર્ણ થયાનો દાવો કરવામાં આવ્યો છે, જ્યારે અન્ય સ્થળોએ હજુ પણ લડાઈ ચાલુ હોવાનું જણાવાયું છે. સંગઠનનું કહેવું છે કે ક્વેટા અને નોસ્કીના કેટલાક ભાગોમાં પણ તેમના લડાકુઓ સક્રિય રહ્યા અને પાકિસ્તાની સેનાને પીછેહટ કરવી પડી હતી.

BLAના દાવા મુજબ, પાકિસ્તાન આર્મી, પોલીસ અને ફ્રન્ટિયર કોર્પ્સના મળીને 200થી વધુ જવાનો માર્યા ગયા છે અને ઓછામાં ઓછા 17ને પકડવામાં આવ્યા છે.  બીજી તરફ, બલુચિસ્તાનના મુખ્યમંત્રી સરફરાઝ બુગટીએ હુમલાઓમાં 17 જવાનો અને 31 નાગરિકોના મોત થયા હોવાનું જણાવ્યું હતું

બીજી તરફ, પાકિસ્તાની સેનાના નિવેદન મુજબ, શનિવારે 92 અને શુક્રવારે 41 અલગાવવાદી લડાકુઓ માર્યા ગયા છે.  BLAએ જો કે તેમના  પોતાના 18 લડાકુઓજ માર્યા ગયા હોવાનો દાવો કર્યો છે.જેમાં માજીદ બ્રિગેડના 11 ‘ફિદાયીન’ (આત્મઘાતી હુમલાખોર), ફતેહ સ્ક્વોડના ચાર અને અન્ય એક  યુનિટના ત્રણ લડાકુઓ સામેલ છે.

આ પણ વાંચો :હાઈકોર્ટનો મોટો ચુકાદો: રાજકોટના જંગલેશ્વર વિસ્તારનું ડિમોલેશન 3 મહિના માટે અટક્યુ,નોટિસો રદ્દ કરતા 1358 પરિવારને રાહત

મહિલા હુમલાખોરો મેદાનમાં

પાકિસ્તાન સામે હવે બ્લોચ મહિલાઓ પણ જંગે ચડી છે.  આસિફા મંગલનું નામની મહિલાએ નોસ્કીમાં ISIના મુખ્યાલયને નિશાન બનાવી વાહન આધારિત વિસ્ફોટક ઉપકરણ દ્વારા આત્મઘાતી હુમલો કરતાં પાક સેના સ્તબ્ધ બની ગઈ છે.. આસિફા મંગલ ઓક્ટોબર 2023માં માજીદ બ્રિગેડમાં જોડાઈ હતી અને જાન્યુઆરી 2024માં ‘ફિદાયીન’ બનવાનો નિર્ણય કર્યો હતો. તેણી શુક્રવારે માર્યા ગઈ હોવાનું જણાવાયું છે.

પાકિસ્તાનના રક્ષા મંત્રી ખ્વાજા આસિફે પણ સ્વીકાર્યું છે કે ઓછામાં ઓછા બે હુમલાઓમાં મહિલા હુમલાખોરો સામેલ હતા.

બલુચિસ્તાનમાં ઠેર ઠેર અથડામણો

પાકિસ્તાનનું સૌથી મોટું પરંતુ ઓછી વસ્તી ધરાવતું પ બ્લીચીસ્તાન વર્ષોથી અલગાવવાદી હિંસાનું સાક્ષી રહ્યું છે. કુદરતી સંસાધનો પર નિયંત્રણ, રાજકીય ઉપેક્ષા અને વિકાસના અસમાન લાભોને લઈને સ્થાનિકોમાં અસંતોષ છે. BLA સહિતના સંગઠનો વધુ સ્વાયત્તતા અથવા સ્વતંત્રતાની માંગ કરે છે. પાકિસ્તાન સરકારે અનેકવાર સૈન્ય કાર્યવાહી હાથ ધરી છે અને BLAને આતંકવાદી સંગઠન જાહેર કર્યું છે. તેમ છતાં, સ્થાનિક સ્તરે બળવાખોરોને સમર્થન હોવાનું માનવામાં આવે છે. જાણકારોના મતે બ્લોચિસ્તાનમાં પરિસ્થિતિ હવે નિર્ણાયક પરિણામ લાવે એ હદે ગંભીર બની ચૂકી છે.