બિહાર ; ગંગા નદીમાં બોટ ડૂબી જતાં 5 લોકો લાપતા; 12 ને બચાવી લેવાયા
બિહારના પટણામાં રવિવારે ગંગા નદીમાં એક બોટ ડૂબી ગઈ હતી અને તેમાં સવાર લોકો પૈકીનાં 5 લાપતા થયા હતા. જ્યારે અન્ય લોકોને સલામત રીતે બહાર કાઢી લેવાયા હતા. બોટમાં બેસીને લોકો અંતિમ સંસ્કાર કરવા જઈ રહ્યા હતા ત્યારે આ ઘટના બની હતી.
પોલીસે એવી માહિતી આપી હતી કે અંતિમ સંસ્કાર માટે સ્નાન કરવા કેટલાક લોકો જઈ રહ્યા હતા. બોટમાં એક જ પરિવારના 17 લોકો સવાર હતા. 12 લોકોને બચાવી લેવામાં સફળતા મળી હતી. બાકીના 5 લોકોના મૃત્યુ થઈ ગયાની શંકા વ્યક્ત કરાઇ હતી.
5 લોકોને શોધવા માટે તંત્રવાહકો દ્વારા પ્રયાસ કરાયો હતો. લાપતા થયેલા લોકોમાં 60 વર્ષના એક વૃધ્ધ પણ સામેલ છે. જો કે ડૂબી ગયેલા લોકોની કોઈ ભાળ મળી નહતી.
